ന്യൂഡല്ഹി : രാജ്യത്തെ ഒമിക്രോണ് ബാധിതരുടെ എണ്ണം 653 ആയി. 21 സംസ്ഥാനങ്ങളില് ആണ് ഇപ്പോള് ഒമിക്രോണ് സ്ഥിരീകരിച്ചിട്ടുള്ളത്. ഏറ്റവും കൂടുതല് ഒമിക്രോണ് ബാധിതര് മഹാരാഷ്ട്രയില് ആണുളളത്. വടക്കുകിഴക്കന് സംസ്ഥാനങ്ങളിലെ ആദ്യത്തെ ഒമിക്രോണ് കേസ് മണിപ്പൂരില് സ്ഥിരീകരിച്ചിട്ടുണ്ട്. ഗോവയിലും ആദ്യത്തെ ഒമിക്രോണ് ബാധ റിപ്പോര്ട്ട് ചെയ്തു. ഒമിക്രോണ് വ്യാപനത്തിന്റെ പശ്ചാത്തലത്തില് പത്ത് സംസ്ഥാനങ്ങള് രാത്രികാല കര്ഫ്യു പ്രഖ്യാപിച്ചു. രോഗ വ്യാപനം തീവ്രമായ ഇടങ്ങളില് നിരോധനാജ്ഞ ഉള്പ്പടെയുള്ള നിയന്ത്രണ നടപടികള് സ്വീകരിക്കാന് ആഭ്യന്തര മന്ത്രാലയം സംസ്ഥാനങ്ങള്ക്ക് നിര്ദേശം നല്കി. ബെംഗളൂരുവില് ഇന്ന് മുതല് രാത്രി കര്ഫ്യൂ നിലവില്വരും. രാത്രി പത്ത് മണി മുതല് പുലര്ച്ചെ അഞ്ച് വരെയാണ് കര്ഫ്യൂ. ജനുവരി ആറ് വരെയാണ് രാത്രി കര്ഫ്യൂ. ഒമിക്രോണ് കണക്കിലെടുത്ത് പുതുവത്സരാഘോഷങ്ങള്ക്ക് നിയന്ത്രണം ഏര്പ്പെടുത്തിയാണ് നടപടി.
