കായംകുളം : ടിപ്പര് സ്കൂട്ടറിലിടിച്ച് യുവതി മരിച്ചു. സഹോദരിക്ക് പരിക്കേറ്റു. മുതുകുളം ചൂളത്തെരുവ് കുന്നുംകീഴില് അനിലയാണ് (23) മരിച്ചത്. ഒപ്പം യാത്ര ചെയ്തിരുന്ന സഹോദരി ഐശ്വര്യക്ക് നിസ്സാര പരിക്കേറ്റു. കായംകുളം ഒ.എന്.കെ ജങ്ഷന് പടിഞ്ഞാറുഭാഗത്ത് കരിവില് പീടിക ഭാഗത്തെ വളവില് തിങ്കളാഴ്ച ഉച്ചക്ക് 12.30 നാണ് അപകടം. സഹോദരിമാര് സഞ്ചരിച്ച സ്കൂട്ടറില് പിന്നിലൂടെ വന്ന ടിപ്പര് ഇടിക്കുകയായിരുന്നു. ഐശ്വര്യയാണ് സ്കൂട്ടര് ഓടിച്ചിരുന്നത്. ഇരുവരും കായംകുളത്ത് പോയി തിരികെ വീട്ടിലേക്ക് മടങ്ങും വഴിയാണ് അപകടം നടന്നത്. ടിപ്പര് സ്കൂട്ടറിന്റെ പിന്നില് ഇടിക്കുകയും അനില ടിപ്പറിനടിയില് പെടുകയുമായിരുന്നുവെന്ന് നാട്ടുകാര് പറഞ്ഞു. കായംകുളം കണ്ണമ്പള്ളിഭാഗം തെക്കേതലക്കല് ഹരീഷാണ് (ദുബൈ) അനിലയുടെ ഭര്ത്താവ്. പിതാവ്: സത്യപാലന്. മാതാവ്: അമ്പിളി.
