കോഴിക്കോട് : വെള്ളിമാട്കുന്നിലെ ബാലികാസദനത്തില് നിന്ന് കഴിഞ്ഞ മാസം അവസാന വാരം ഓടി പോയ പെണ്കുട്ടികളിലൊരാളെ വീണ്ടും കാണാതായതായി വിവരം. സംഭവത്തിന് ശേഷം സ്വന്തം വീട്ടിലേക്ക് പോയ പെണ്കുട്ടിയെ ആണ് കാണാതായത്. ഇന്ന് രാവിലെ മുതല് കുട്ടിയെ കാണാനില്ലെന്ന് വീട്ടുകാര് നല്കിയ പരാതിയില് പറയുന്നു. കോഴിക്കോട് വെള്ളയില് പോലീസ് കേസെടുത്ത് അന്വേഷണം ആരംഭിച്ചു.
കഴിഞ്ഞ മാസമാണ് വെള്ളിമാട്കുന്ന് ബാലികാസദനത്തിലെ ആറ് പെണ്കുട്ടികള് പുറത്ത് കടന്നത്. ബാലികാ മന്ദിരത്തില് നിന്ന് കാണാതായ രണ്ട് പെണ്കുട്ടികളെ ബെംഗളൂരുവില് നിന്നും നാല് പെണ്കുട്ടികളെ മലപ്പുറം എടക്കരയില് നിന്നും പോലീസ് കണ്ടെത്തിയിരുന്നു. രണ്ട് യുവാക്കളെയും ഇവര്ക്കൊപ്പം പിടികൂടിയിരുന്നു. തുടര്ന്ന് പെണ്കുട്ടികള്ക്കൊപ്പം പിടികൂടിയ യുവാക്കള്ക്കെതിരെ പോലീസ് കേസെടുത്തിരുന്നു മദ്യം നല്കി പീഡിപ്പിക്കാന് ശ്രമിച്ചതിന് പോക്സോ പ്രകാരമായിരുന്നു കേസ്. ഒളിച്ചോട്ടം സംബന്ധിച്ച് അന്വേഷണം പുരോഗമിക്കുന്നതിനിടെയാണ് പെണ്കുട്ടിയെ വീണ്ടും കാണാതാകുന്നത്.
