മേത്തല : ട്യൂഷൻ ക്ലാസിൽ പോകുകയായിരുന്ന പെൺകുട്ടിയെ ആക്രമിക്കപ്പെട്ട നിലയിൽ കണ്ടെത്തി. ഒമ്പതാം ക്ലാസ് വിദ്യാർഥിനിയാണ് കോട്ടപ്പുറം ബിഷപ്പ് ഹൗസ് പരിസരത്ത് താൻ ആക്രമിക്കപ്പെട്ടതായി പോലീസിന് മൊഴി നൽകിയത്.
കൈക്ക് മുറിവേറ്റ പെൺകുട്ടിയെ മെഡികെയർ ആശുപത്രിയിൽ പ്രവേശിപ്പിച്ചു. ഉച്ചക്ക് ഒന്നരയോടെയായിരുന്നു സംഭവം.
ട്യൂഷൻ ക്ലാസിലേക്ക് സൈക്കിളിൽ പോകുകയായിരുന്ന തന്നെ സൈക്കിളിലെത്തിയ യുവാക്കൾ ബ്ലേഡ് കൊണ്ട് ആക്രമിക്കുകയായിരുന്നെന്ന് പെൺകുട്ടി പറഞ്ഞു. പരിക്കേറ്റ കുട്ടിയെ നാട്ടുകാരാണ് ആശുപത്രിയിലെത്തിച്ചത്. തന്നെ ഒരാൾ ഭീഷണിപ്പെടുത്തുന്നതായി പെൺകുട്ടി മുമ്പ് പലവട്ടം പരാതി പറഞ്ഞിരുന്നു. സി.ഐ കെ.ബിജുകുമാറിന്റെ നേതൃത്വത്തിൽ അന്വേഷണമാരംഭിച്ചു.
