തിരുവനന്തപുരം : തുടര്ച്ചയായി രണ്ടാം ദിവസവും സംസ്ഥാനത്ത് സ്വര്ണവില കുതിക്കുന്നു. ഇന്ന് പവന് 400 രൂപയാണ് വര്ദ്ധിച്ചത്. ഇതോടെ ഒരു പവന് 37,200 രൂപയായി. ഗ്രാമിന് 50 രൂപ വര്ദ്ധിച്ച് ഒരു ഗ്രാം സ്വര്ണത്തിന്റെ വില 4650 രൂപയായിട്ടുണ്ട്. ഇന്നലെ 160 രൂപ വര്ധിച്ച് 36,800 രൂപയായിരുന്നു ഒരു പവന് സ്വര്ണത്തിന്റെ വില. ഈ മാസം തുടക്കത്തില് 37,200 രൂപയായിരുന്നു ഒരു പവന്റെ വില. സെപ്റ്റംബര് ആറിന് അത് വര്ദ്ധിച്ച് 37,520 രൂപയായി. തുടര്ന്ന് സ്വര്ണ വിലയില് ഇടിവ് ഉണ്ടായി. കഴിഞ്ഞ ദിവസം ഏറ്റവും താഴ്ന്ന നിലയിലായിരുന്നു സ്വര്ണവില(36,640 രൂപ). തുടര്ന്നാണ് വീണ്ടും വര്ദ്ധിച്ചത്. വരും ദിവസങ്ങളിലും ഈ ചാഞ്ചാട്ടം തുടരുമെന്നാണ് വിലയിരുത്തല്.
