കൊച്ചി : സംസ്ഥാനത്ത് സ്വര്ണവിലയില് വര്ദ്ധനവ്. സംസ്ഥാനത്ത് കഴിഞ്ഞ നാല് ദിവസത്തിനിടെ മൂന്ന് ദിവസവും സ്വര്ണവില കുറഞ്ഞിരുന്നു. എന്നാല് ഈ കുറഞ്ഞ വിലയുടെ 81 ശതമാനം ഒറ്റ ദിവസം കൊണ്ട് വര്ധിച്ചതാണ് ഇന്ന് കണ്ടത്. സംസ്ഥാനത്ത് ഇന്നത്തെ സ്വര്ണ വിലയില് ഗ്രാമിന് 45 രൂപയുടെ വര്ധനവാണ് രേഖപ്പെടുത്തിയത്. കഴിഞ്ഞ നാല് ദിവസത്തിനിടെ ഘട്ടം ഘട്ടമായി സ്വര്ണവില ഗ്രാമിന് 55 രൂപ വരെ കുറഞ്ഞിരുന്നു.
ഇന്നത്തെ സ്വര്ണവില ഗ്രാമിന് 4810 രൂപയാണ്. ഒരു പവന് സ്വര്ണവിലയില് 360 രൂപയുടെ വര്ധനവ് ഉണ്ടായി. ഇതോടെ സ്വര്ണവില പവന് 38480 രൂപയായി ഉയര്ന്നു. 18 കാരറ്റ് സ്വര്ണവിലയില് ഗ്രാമിന് 35 രൂപയുടെ വര്ധനവുണ്ടായി. ഹോള്മാര്ക്ക് വെള്ളിക്ക് ഇന്നത്തെ വില ഗ്രാമിന് 100 രൂപയാണ്. വെള്ളിക്ക് വില 72 രൂപയാണ്. ഈ വിലകളില് കഴിഞ്ഞ ദിവസങ്ങളെ അപേക്ഷിച്ച് കാര്യമായ മാറ്റം ഉണ്ടായിട്ടില്ല.
