കോട്ടയം : രേഖകളില്ലാതെ കടത്തിയ 721.71 ഗ്രാം തങ്കക്കട്ടികള് പിടികൂടി. വിപണിയില് 37 ലക്ഷം രൂപ വിലമതിക്കുന്ന 24 കാരറ്റ് തങ്കക്കട്ടികളാണ് ജിഎസ്ടി ഇന്റലിജന്സ് വിഭാഗം ആലപ്പുഴ സ്ക്വാഡ് നമ്പര് -2 കോട്ടയം ടൗണില് നടത്തിയ പരിശോധനയില് പിടികൂടിയത്. കടയില്നിന്ന് വാഹനത്തിലേക്ക് സ്വര്ണം കടത്തുന്നതിനിടെയാണ് ഇവ പിടികൂടിയത്.
ജോയിന്റ് കമ്മീഷണര് കിരണ്ലാലിന്റെ പ്രത്യേക നിര്ദേശത്തെ തുടര്ന്ന് ഡപ്യൂട്ടി കമ്മീഷണര് വി. അജിത്തിന്റെ മേല്നോട്ടത്തില് കോട്ടയം ടൗണില് നടത്തിയ പരിശോധനയിലാണ് സ്വര്ണം പിടിച്ചെടുത്തത്. സ്റ്റേറ്റ് ടാക്സ് ഓഫീസര് ജെ.ഉദയകുമാറിന്റെ നേതൃത്വത്തില് എഎസ്ടിഒമാരായ ആര്.ഗണേഷ്, പി.ഇ.നാരായണന് നമ്പൂതിരി, ആര്.പ്രമോദ്, ഡി.രാജേഷ്, എസ്.സുപ്രിയ, ആര്.രേണു, ക്ലാര്ക്ക് പി.എസ്.അനുമോള്, ഡ്രൈവര് സജീവ് കുമാര് എന്നിവരടങ്ങിയ സംഘമാണ് തങ്കക്കട്ടികള് പിടികൂടിയത്.
