കോഴിക്കോട്: സ്വര്ണക്കടത്ത് കേസിലെ പ്രതി ടിഎം സംജുവിന്റെ ഭാര്യയുടെ വീട്ടില് എന്ഐഎ റെയ്ഡ്. കോഴിക്കോടുള്ള വീട്ടിലാണ് എന്ഐഎയുടെ പരിശോധന നടത്തിയത്. റെയ്ഡില് കേസുമായി ബന്ധപ്പെട്ട രേഖകള് കണ്ടെടുത്തു എന്നാണ് വിവരം ലഭിക്കുന്നത്.
സംജുവിനെ നേരത്തെ കസ്റ്റംസും എന്ഐഎയും അറസ്റ്റ് ചെയ്തിരുന്നു. സംജുവിന്റെ കൂട്ടാളിയായ കൊടുവള്ളി സ്വദേശിയുടെ വീട്ടിലും എന്ഐഎ പരിശോധന നടത്തുന്നുണ്ട്. സംജുവിന്റെ വീട്ടിലും നേരത്തെ എന്ഐഎ പരിശോധന നടത്തിയിരുന്നു. സംജുവിന്റെ ഭാര്യാപിതാവിന്റെ ജ്വല്ലറിയിലും നേരത്തെ കസ്റ്റംസ് റെയ്ഡ് നടത്തിയിരുന്നു.
അതേസമയം കേസില് അറസ്റ്റിലായ സ്വപ്ന സുരേഷ്, സന്ദീപ് നായര്, സരിത് എന്നിവരുടെ റിമാന്ഡ് കാലാവധി അടുത്ത് മാസം 9 വരെ നീട്ടി. എന്ഫോഴ്സ്മെന്റ് ഡയറക്ടറേറ്റ് രജിസ്റ്റര് ചെയ്ത കേസിലെ റിമാന്ഡ് കാലാവധിയാണ് നീട്ടിയത്. റിമാന്ഡ് കാലാവധി നീട്ടുന്നതിനായി മൂവരെയും എറണാകുളം പ്രിന്സിപ്പല് സെഷന്സ് കോടതിയില് ഹാജരാക്കിയിരുന്നു.
