കണ്ണൂര് : സ്വര്ണം കടത്താന് പുതിയ വിദ്യകള് കണ്ടെത്തി യുവാക്കള്. ജീന്സില് സ്വര്ണം പൂശി കടത്താന് ശ്രമിച്ച ഫ്രീക്കന് കണ്ണൂര് വിമാനത്താവളത്തില് അറസ്റ്റില്. ഇത്തവണ അധികൃതരുടെ കണ്ണ് തള്ളി. ജീന്സില് സ്വര്ണം പൂശി കടത്താനുള്ള ഫ്രീക്കന്റെ ശ്രമമാണ് അധികൃതര് പൊളിച്ചത്. മഞ്ഞ നിറത്തിലുള്ള ജീന്സ് ധരിച്ച് വിമാനത്താവളത്തിലെ ഉദ്യോഗസ്ഥരുടെ കണ്ണ് വെട്ടിക്കാന് ശ്രമിച്ച യുവാവിന് പിടിവീഴുകയായിരുന്നു. ജീന്സില് പെയിന്റെന്ന രീതിയില് പൂശിയ 302 ഗ്രാം സ്വര്ണം വ്യോമ ഇന്റലിജന്സ് വിഭാഗവും കസ്റ്റംസും ചേര്ന്ന് പിടികൂടി.
വിമാനത്താവളത്തില് ഇറങ്ങുമ്ബോള് പ്രതി ധരിച്ച ജീന്സിലായിരുന്നു സ്വര്ണം പൂശിയിരുന്നത്. 14 ലക്ഷം രൂപ വിലമതിക്കുന്ന കുഴമ്പുരൂപത്തിലുള്ള സ്വര്ണമാണ് ജീന്സിലുണ്ടായിരുന്നത്. ഇതാദ്യമായാണ് ഇത്തരത്തിലൊരു സ്വര്ണക്കടത്ത് രാജ്യത്ത് റിപ്പോര്ട്ട് ചെയ്യുന്നത്. ദേശീയ വാര്ത്താ ഏജന്സിയായ എഎന്ഐ ആണ് സ്വര്ണക്കടത്തിന്റെ വിവരം പങ്കുവെച്ചത്.
