റാന്നി : വിനോദ സഞ്ചാരികള് യാത്ര ചെയ്ത കാര് തലകീഴായ് മറിഞ്ഞു. യാത്രക്കാര് നിസാര പരുക്കുകളോടെ രക്ഷപെട്ടു. വെച്ചൂച്ചിറ അത്തിക്കയം റോഡിലാണ് അപകടം നടന്നത്. തിരുവനന്തപുരം സ്വദേശികളായിരുന്നു കാറില് ഉണ്ടായിരുന്നത്. ഓടിക്കൂടിയ നാട്ടുകാരും വെച്ചൂച്ചിറ പോലീസും ചേര്ന്ന് രക്ഷാപ്രവര്ത്തനം നടത്തി.
കൂത്താട്ടുകുളത്തിന് സമീപം പുറമറ്റം പടിയില് രാവിലെ പത്തുമണിക്കായിരുന്നു അപകടം. തിരുവനന്തപുരത്തു നിന്നും വാഗമണിനു പോയവരാണ് അപകടത്തില് പെട്ടത്. ഗൂഗിള്മാപ്പ് നോക്കിയാണ് ഇവര് ഈ റൂട്ടിലെത്തിയത്. ഈ റോഡ് ഉന്നതനിലവാരത്തിലാക്കിയതോടെ അപകട പരമ്പരയേറുകയാണ്. പുറം നാടുകളില് നിന്നെത്തുന്നവര്ക്ക് കയറ്റവും കൊടും വളവുകളുമുള്ള റോഡിലെ അപകട സാധ്യതയുള്ള മേഖലകള് തിരിച്ചറിയാന് പറ്റാതാകുന്നതും അമിത വേഗതയുമാണ് അപകടമുണ്ടാകാനുള്ള പ്രധാന കാരണം. സ്ഥിരം ടിപ്പര് ലോറികള് അപകടം ഉണ്ടാക്കുന്ന ഈ മേഖലയില് പോലീസും മോട്ടോര് വാഹന വകുപ്പും ശ്രദ്ധിക്കണമെന്ന നാട്ടുകാരുടെ ആവശ്യത്തിന് അധികൃതര് ചെവികൊടുക്കാറില്ല.
