മുഖ്യമന്ത്രിയുടെ കണക്ട് ടു വര്ക്ക് പദ്ധതി
തൊഴില് പരിശീലനത്തിന് പ്രതിമാസം 1000 രൂപ സാമ്പത്തിക സഹായം നല്കുന്ന ‘മുഖ്യമന്ത്രിയുടെ കണക്ട് ടു വര്ക്ക് ” പദ്ധതിയിലേക്ക് www.eemployment.kerala.gov.in അപേക്ഷിക്കാം. കുടുംബ വാര്ഷിക വരുമാനം അഞ്ച് ലക്ഷം രൂപയില് കവിയരുത്. പ്രായം 18 – 30. നൈപുണ്യ വികസന പരിശീലനത്തില് പങ്കെടുക്കുന്നവരോ യു.പി.എസ്.സി, സംസ്ഥാന പി.എസ്.സി, സര്വീസ് സെലക്ഷന് ബോര്ഡ്, കര, നാവിക, വ്യോമസേന, ബാങ്ക്, റെയില്വെ, മറ്റ് കേന്ദ്ര / സംസ്ഥാന പൊതുമേഖലാ റിക്രൂട്ട്മെന്റ് ഏജന്സി തുടങ്ങിയവ നടത്തുന്ന മത്സരപരീക്ഷകള്ക്ക് തയ്യാറെടുക്കുന്നവര്ക്ക് അപേക്ഷിക്കാം. ഫോണ് : 04735224388.
—
ഗതാഗത നിരോധനം
കെഎസ്ഇബി സബ് സ്റ്റേഷന് സമീപം കൊച്ചുകോയിക്കല് തോടിന് കുറുകെയുളള പാലം പുതുക്കി പണിയുന്നതിനാല് ഉറുമ്പിനി – വാലുപാറ റോഡിലൂടെയുളള വാഹന ഗതാഗതം ജനുവരി 16 മുതല് താല്കാലികമായി നിരോധിച്ചു. ആങ്ങമൂഴി റോഡിലൂടെ ഗുരുമന്ദിരം ജംഗ്ഷനില് നിന്ന് ഉറുമ്പിനി – വാലുപാറ റോഡില് പ്രവേശിക്കാം. മരിയ സദനത്തിന് സമീപത്ത് നിന്നും കൊച്ചുകോയിക്കലെത്തി ചേരുന്ന വഴിയിലൂടെയും സഞ്ചരിക്കാം.
തിരിച്ചറിയല് കാര്ഡ് ഡൗണ്ലോഡ് ചെയ്യണം
സ്കോള് കേരള മുഖേനെയുളള വൊക്കേഷണല് അഡീഷണല് മാത്തമാറ്റിക്സ് കോഴ്സിന്റെ 2025-27 ബാച്ചിലേക്ക് ഒന്നാം വര്ഷം ഓണ്ലൈനായി അപേക്ഷിച്ചവര് യൂസര് നെയിം, പാസ് വേഡ് ഉപയോഗിച്ച് www.scolekerala.org നിന്ന് തിരിച്ചറിയല് കാര്ഡ് ഡൗണ്ലോഡ് ചെയ്യണമെന്ന് എക്സിക്യൂട്ടീവ് ഡയറക്ടര് അറിയിച്ചു.
—
കരാര് നിയമനം
പ്രോഗ്രാം മാനേജ്മെന്റ് ആന്ഡ് സപ്പോര്ട്ടിംഗ് യൂണിറ്റ് കരാര് അടിസ്ഥാനത്തില് തെറാപ്പിസ്റ്റ് (സ്ത്രീ) തസ്തികയിലേക്ക് നിയമനത്തിന് നാഷണല് ആയുഷ് മിഷന് അപേക്ഷ ക്ഷണിച്ചു. യോഗ്യത – കേരള സര്ക്കാരിന്റെ ആയുര്വേദ തെറാപ്പിസ്റ്റ് കോഴ്സ് / നാഷണല് ആയുര്വേദ റിസേര്ച്ച് ഇന്സ്റ്റിറ്റ്യൂട്ട് ഫോര് പഞ്ചകര്മ്മ ചെറുതുരുത്തിയുടെ ഒരു വര്ഷ ആയുര്വേദ തെറാപ്പിസ്റ്റ് കോഴ്സ്. പ്രായം 2026 ജനുവരി ഒമ്പതിന് 40 വയസ് കവിയരുത്. 60 വയസില് താഴെയുളള വിരമിച്ച ആയുര്വേദ തെറാപ്പിസ്റ്റുകള്ക്കും അപേക്ഷിക്കാം. ശമ്പളം – 14700 രൂപ / മാസം. അവസാന തീയതി ജനുവരി 20 വൈകിട്ട് അഞ്ച്. വെബ് സൈറ്റ് : www.nam.kerala.gov.in/careers , ഫോണ് : 0468 2995008.
ടെന്ഡര്
റാന്നി എംസിസിഎം താലൂക്ക് ആശുപത്രിയില് കാസ്പ്/ ജെഎസ്എസ്കെ/ആര്ബിഎസ്കെ/എകെ/ ട്രൈബല് /മെഡിസെപ് പദ്ധതികളില്പെട്ട രോഗികള്ക്ക് സര്ജിക്കല് ഇംപ്ലാന്റുകളും അനുബന്ധ ഘടകങ്ങളും ലഭ്യമാക്കുന്നതിന് അംഗീകൃത സ്ഥാപനങ്ങളില് നിന്ന് ടെന്ഡര് ക്ഷണിച്ചു. അവസാന തീയതി ജനുവരി 17 രാവിലെ 11. ഫോണ് : 9188522990.
—
പ്രശ്നോത്തരി ജനുവരി 22 ന്
ഹരിതകേരളം മിഷന് ദേശീയ പരിസ്ഥിതി സമ്മേളനത്തിന്റെ മുന്നോടിയായി ജില്ലാതലത്തില് യു.പി, ഹൈസ്ക്കൂള് വിദ്യാര്ഥികള്ക്ക് പ്രശ്നോത്തരി സംഘടിപ്പിക്കുന്നു. ജനുവരി 19 ന് ഉപജില്ലാതലത്തിലും ജനുവരി 22 ന് ജില്ലാതലത്തിലുമാണ് മത്സരം. ഉപജില്ലാ മത്സരത്തില് പങ്കെടുക്കുന്നവര് https://forms.gle/1DV2TFaYTi5D9HVp9 ലിങ്കില് രജിസ്റ്റര് ചെയ്യണം. അവസാന തീയതി ജനുവരി 15 വൈകിട്ട് അഞ്ച്. ജില്ലാതല ഒന്നും രണ്ടും സ്ഥാനക്കാര്ക്ക് ഫെബ്രുവരിയില് തിരുവനന്തപുരത്ത് നടക്കുന്ന ദേശീയ പരിസ്ഥിതി സമ്മേളനത്തില് പങ്കെടുക്കാം. ഫോണ് : 9645607918.
—
ഡ്രൈവര് നിയമനം
ഏഴംകുളം ഗ്രാമപഞ്ചായത്ത് ഓഫീസില് താല്കാലിക ഡ്രൈവറെ നിയമിക്കുന്നു. അപേക്ഷിക്കേണ്ട അവസാന തീയതി ജനുവരി 16. ഫോണ് : 04734 240637.
