കന്നുകാലികള്ക്ക് നൂതന തിരിച്ചറിയല് മാര്ഗമായ
മൈക്രോചിപ്പിങ് പദ്ധതിയുടെ സംസ്ഥാനതല ഉദ്ഘാടനം നാളെ (മേയ് 30)
കന്നുകാലികള്ക്കുള്ള ഏറ്റവും നൂതന തിരിച്ചറിയല് മാര്ഗമായ റേഡിയോ ഫ്രീക്വന്സി ഐഡന്റിഫിക്കേഷന് (ആര് എഫ് ഐ ഡി ) മൈക്രോചിപ്പിങ് പദ്ധതിയുടെ സംസ്ഥാനതല ഉദ്ഘാടനം മൃഗസംരക്ഷണ, ക്ഷീരവികസനവകുപ്പ് മന്ത്രി ജെ. ചിഞ്ചുറാണി മേയ് 30 ന് രാവിലെ 10.30 ന് പത്തനംതിട്ട ഓമല്ലൂര് എ ജി റ്റി ഓഡിറ്റോറിയത്തില് നിര്വഹിക്കും.
സംസ്ഥാന സര്ക്കാരിന്റെ കേരള പുനര് നിര്മാണ പദ്ധതിയില് ഉള്പ്പെടുത്തി കേരള ഡിജിറ്റല് യൂണിവേഴ്സിറ്റിയുടെ സാങ്കേതിക സഹായത്തോടെ മൃഗസംരക്ഷണ വകുപ്പാണ് നടപ്പാക്കുന്നത്. ആരോഗ്യവകുപ്പ് മന്ത്രി വീണാ ജോര്ജ് അധ്യക്ഷത വഹിക്കുന്ന ചടങ്ങില് നിയമസഭാ ഡെപ്യൂട്ടി സ്പീക്കര് ചിറ്റയം ഗോപകുമാര് മുഖ്യ പ്രഭാഷണം നടത്തും. മൃഗസംരക്ഷണ ജോയിന്റ് ഡയറക്ടര് ഡോ. ഇ.ജി. പ്രേം ജെയിന് പദ്ധതി വിശദീകരണവും ഹ്രസ്വ വീഡിയോ പ്രദര്ശനവും നടത്തും.
അങ്കണവാടി പ്രവേശനോത്സവം – തേന്കണം പദ്ധതി സംസ്ഥാനതല ഉദ്ഘാടനം നാളെ (30)
വനിതാ ശിശു വികസന വകുപ്പിനു കീഴിലുള്ള അങ്കണവാടികളിലെ കുട്ടികളുടെ പ്രവേശനോത്സവത്തിന്റെയും തേന്കണം പദ്ധതിയുടെയും സംസ്ഥാനതല ഉദ്ഘാടനം ആരോഗ്യ വനിതാ ശിശു വികസന വകുപ്പ് മന്ത്രി വീണാ ജോര്ജ് മേയ് 30ന് രാവിലെ 9.30ന് ഓതറ പഴയകാവ് അങ്കണവാടിയില് നിര്വഹിക്കും. കുട്ടികളുടെ ശാരീരിക ബൗദ്ധിക വികാസത്തിനായി തേന് നല്കുന്നതിനായി സംസ്ഥാന ശിശു വികസന വകുപ്പ് ആവിഷ്കരിച്ചിരിക്കുന്ന പദ്ധതിയാണ് തേന്കണം.
സ്ത്രീകള്, കുട്ടികള്, കൗമാരക്കാരായ പെണ്കുട്ടികള് എന്നിവര്ക്കുള്ള അടിസ്ഥാന സേവനങ്ങള് ലഭ്യമാക്കുന്ന സാമൂഹ്യ വിഭവ കേന്ദ്രങ്ങളായാണ് സംസ്ഥാനത്തെ 33115 അങ്കണവാടികള് പ്രവര്ത്തിച്ചു വരുന്നത്. ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന് അധ്യക്ഷത വഹിക്കുന്ന ചടങ്ങില് മുഖ്യപ്രഭാഷണം ജില്ലാ കളക്ടര് ഡോ ദിവ്യ എസ്. അയ്യര് നിര്വഹിക്കും.
ജില്ലയിലെ നാലു വിദ്യാലയങ്ങളുടെ കെട്ടിടങ്ങളുടെ
ഉദ്ഘാടനം നാളെ (മേയ് 30) മുഖ്യമന്ത്രി നിര്വഹിക്കും
പൊതു വിദ്യാഭ്യാസ സംരക്ഷണ യജ്ഞത്തിന്റെ ഭാഗമായി നിര്മാണ പ്രവര്ത്തനങ്ങള് പൂര്ത്തിയായ ജില്ലയിലെ നാല് സ്കൂളുകളുടെ കെട്ടിടങ്ങളുടെ ഉദ്ഘാടനം മുഖ്യമന്ത്രി പിണറായി വിജയന് മേയ് 30ന് 3.30 ന് നിര്വഹിക്കും. വിദ്യാഭ്യാസ വകുപ്പ് മന്ത്രി വി. ശിവന്കുട്ടി അധ്യക്ഷത വഹിക്കുന്ന ചടങ്ങില് ആരോഗ്യ വകുപ്പ് മന്ത്രി വീണാ ജോര്ജ്, ഡെപ്യുട്ടി സ്പീക്കര് ചിറ്റയം ഗോപകുമാര്, ആന്റോ ആന്റണി എംപി, എംഎല്എമാരായ അഡ്വ. മാത്യു റ്റി തോമസ്, അഡ്വ. കെ.യു. ജനീഷ് കുമാര്, അഡ്വ. പ്രമോദ് നാരായണ്, ജില്ലാ പഞ്ചായത്ത് പ്രസിഡന്റ് അഡ്വ. ഓമല്ലൂര് ശങ്കരന്, ജില്ലാ കളക്ടര് ഡോ. ദിവ്യ എസ്. അയ്യര്, ജനപ്രതിനിധികള് തുടങ്ങിയവര് പങ്കെടുക്കും. കോഴഞ്ചേരി ഗവണ്മെന്റ് ഹൈസ്കൂള്, ഗവണ്മെന്റ് എച്ച് എസ് എസ് തോട്ടക്കോണം, പൂഴിക്കാട് ജി.യു.പി.എസ്, മേപ്രാല് ഗവണ്മെന്റ് സെന്റ് ജോണ്സ് എല് പി എസ് എന്നീ വിദ്യാലയങ്ങളിലെ കെട്ടിടങ്ങളുടെ ഉദ്ഘാടനമാണ് ജില്ലയില് നടക്കുന്നത്.
കക്കാട് ഡാം ഡാം സേഫ്റ്റി ഡിവിഷന്റേയും കൊച്ചുപമ്പ ഡാം സേഫ്റ്റി സബ് ഡിവിഷന് ഓഫീസിന്റേയും ഉദ്ഘാടനം നാളെ (മെയ് 30)
ഡാം റീഹാബിലിറ്റേഷന് ആന്ഡ് ഇംപ്രൂവ്മെന്റ് പ്രോജക്ട് (ഡിആര്ഐപി)പദ്ധതിയുടെ ഭാഗമായി പുതുതായി നിര്മിച്ച കക്കാട് ഡാം ഡാം സേഫ്റ്റി ഡിവിഷന്റേയും അനുബന്ധ ഫീല്ഡ് ഓഫീസായ കൊച്ചുപമ്പ ഡാം സേഫ്റ്റി സബ് ഡിവിഷന് ഓഫീസിന്റേയും ഉദ്ഘാടനം മെയ് 30(തിങ്കള്)ന് മൂന്നിന് സീതത്തോട് ശ്രീനാരയണ സാംസ്കാരിക നിലയത്തില് വൈദ്യുത വകുപ്പ് മന്ത്രി കെ. കൃഷ്ണന്കുട്ടി നിര്വഹിക്കും. അഡ്വ.കെയു ജനീഷ്കുമാര് എംഎല്എ അധ്യക്ഷത വഹിക്കുന്ന യോഗത്തില് ആന്റോ ആന്റണി എംപി മുഖ്യാതിഥി ആയിരിക്കും.
ജില്ലാ പഞ്ചായത്ത് പ്രസിഡന്റ് അഡ്വ.ഓമല്ലൂര് ശങ്കരന്, ജില്ലാ കളക്ടര് ഡോ.ദിവ്യ എസ് അയ്യര്, ഇന്ഡിപെന്ഡന്റ് ഡയറക്ടര് അഡ്വ. വി മുരുകദാസ് , ബ്ലോക്ക് -ഗ്രാമ പഞ്ചായത്ത് പ്രതിനിധികള്, മറ്റ് ജനപ്രതിനിധികള് തുടങ്ങിയവര് പങ്കെടുക്കും. സീതത്തോട് ആസ്ഥാനമായി പ്രവര്ത്തിക്കുന്ന ഡാം സേഫ്റ്റി ഡിവിഷന് ഓഫീസ് പദ്ധതിയുടെ തുടക്കകാലത്ത് നിര്മ്മിച്ച താത്കാലിക കെട്ടിടങ്ങളിലാണ് നിലവില് പ്രവര്ത്തിക്കുന്നത്.
പിഎം കെയര് ഫോര് ചില്ഡ്രന് പദ്ധതിയുടെ ആനുകൂല്യ വിതരണം നാളെ (മേയ് 30)
കോവിഡ് മൂലം മാതാപിതാക്കള് നഷ്ടമായ കുട്ടികള്ക്കായി കേന്ദ്രസര്ക്കാര് നടപ്പാക്കി വരുന്ന പിഎം കെയര് ഫോര് ചില്ഡ്രന് പദ്ധതിയില് രജിസ്റ്റര് ചെയ്ത കുട്ടികള്ക്കുള്ള ആനുകൂല്യ വിതരണം പ്രധാനമന്ത്രി നരേന്ദ്ര മോഡി ഓണ്ലൈനായി നിര്വഹിക്കും. മേയ് 30ന് രാവിലെ 9.30ന് പ്രധാനമന്ത്രി നരേന്ദ്രമോഡിയും കേന്ദ്ര വനിതാ ശിശു വികസന വകുപ്പ് മന്ത്രി സ്മൃതി ഇറാനിയും രാജ്യമൊട്ടാകെ നടക്കുന്ന ചടങ്ങിനെ അഭിസംബോധന ചെയും. ഇതോടനുബന്ധിച്ച് പത്തനംതിട്ട കളക്ട്രേറ്റ് കോണ്ഫറന്സ് ഹാളില് നടക്കുന്ന ചടങ്ങില് സംസ്ഥാന ആരോഗ്യ, ശിശു വികസന വകുപ്പ് മന്ത്രി വീണാ ജോര്ജ്, എംപി, ജില്ലയിലെ എംഎല്എമാര്, മറ്റ് ജനപ്രതിനിധികള്, വിവിധ വകുപ്പ് സെക്രട്ടറിമാര് തുടങ്ങിയവര് പങ്കെടുക്കും.
ഓപ്പണ് പ്രിസിഷന് ഫാമിംഗ് വിളവെടുപ്പ് ഉദ്ഘാടനം നാളെ (30)
കാര്ഷിക വികസന കര്ഷക ക്ഷേമ വകുപ്പിന്റെ നേതൃത്വത്തില് പച്ചക്കറി വികസന പദ്ധതിയില് ഉള്പ്പെടുത്തി ഇരവിപേരൂര് പഞ്ചായത്തിലെ ഓതറ സിഎസ്ഐ ഇക്കോസ്പിരിച്വാലിറ്റി സെന്ററില് ഒരു ഏക്കര് സ്ഥലത്ത് നടപ്പാക്കിയ ഓപ്പണ് പ്രിസിഷന് ഫാമിംഗിന്റെ വിളവെടുപ്പ് ഉദ്ഘാടനം നാളെ (30) രാവിലെ 9ന് ആരോഗ്യമന്ത്രി വീണാ ജോര്ജ് നിര്വഹിക്കും. ഇരവിപേരൂര് ഗ്രാമപഞ്ചായത്ത് പ്രസിഡന്റ് ശശിധരന് പിള്ള അധ്യക്ഷത വഹിക്കും.
