തിരുവനന്തപുരം: സംസ്ഥാനത്തിന്റെ സ്വന്തം ഉത്പന്നങ്ങളെ ആഗോള വിപണിയിൽ കൂടുതൽ മത്സരക്ഷമമാക്കാൻ ലക്ഷ്യമിട്ടുള്ള ‘കേരളാ ബ്രാൻഡ്’ പദ്ധതിയിൽ നിർണായക പരിഷ്കാരവുമായി സംസ്ഥാന സർക്കാർ. ചെറുകിട, ഇടത്തരം സംരംഭകർ ഏറെ നാളായി ഉന്നയിച്ചിരുന്ന പരാതികൾ പരിഗണിച്ച് പദ്ധതിയുടെ നിബന്ധനകൾ ലളിതമാക്കിയതോടെ, ഇനി കൂടുതൽ സംരംഭകർക്ക് ‘കേരളാ ബ്രാൻഡ്’ എന്ന ഔദ്യോഗിക അംഗീകാരം സ്വന്തമാക്കാനാകും. ഗുണമേന്മയുള്ള ഉത്പന്നങ്ങൾ നിർമിച്ചിട്ടും ബിഐഎസ് (BIS) സർട്ടിഫിക്കേഷൻ ഉൾപ്പെടെയുള്ള കർശന മാനദണ്ഡങ്ങൾ പാലിക്കാനാകാതെ നിരവധി സംരംഭകർ പദ്ധതിക്ക് പുറത്തായിരുന്നു. ഈ സാഹചര്യത്തിലാണ് സ്റ്റേറ്റ് ലെവൽ കമ്മിറ്റിയുടെ ശുപാർശ പ്രകാരം വ്യവസായ വകുപ്പ് പുതിയ ഉത്തരവിറക്കിയത്. ആദ്യഘട്ടത്തിൽ വെളിച്ചെണ്ണ, തേയില, കാപ്പി, നെയ്യ്, തേൻ, കുപ്പിവെള്ളം, പ്ലൈവുഡ്, ചെരുപ്പ്, പി.വി.സി പൈപ്പ്, സർജിക്കൽ റബ്ബർ ഗ്ലൗസ്, കാലിത്തീറ്റ എന്നീ 11 ഉത്പന്നങ്ങൾക്കാണ് പ്രധാന ഇളവുകൾ ബാധകമാക്കിയിരിക്കുന്നത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
