തിരുവനന്തപുരം: മന്ത്രി കെ ടി ജലീലിന്റെ രാജി ആവശ്യം തള്ളി സര്ക്കാരും സിപിഎമ്മും. കോടതി വിധി വന്നാല് ഉടന് രാജിവെയ്ക്കേണ്ടതില്ലെന്ന് എ കെ ബാലന് പ്രതികരിച്ചു. ഡെപ്യൂട്ടേഷനില് ബന്ധുക്കളെ നിയമിക്കരുതെന്ന് വ്യവസ്ഥയില്ല. വിധിക്കെതിരെ നിയമനടപടി സ്വീകരിക്കുമെന്ന് ജലീല് വ്യക്തമാക്കിയിട്ടുണ്ട്. സര്ക്കാര് തലത്തില് എന്തുചെയ്യണമെന്നുള്ളത് ആലോചിക്കുമെന്നും ബാലന് പറഞ്ഞു.
മഞ്ഞളാംകുഴി അലിയും അന്തരിച്ച എം എം മാണിയും ഡെപ്യൂട്ടേഷനില് ആളുകളെ നിയമിച്ചിരുന്നു. ഡെപ്യൂട്ടേഷനില് ബന്ധുക്കളെ നിയമിക്കരുതെന്ന് ഒരു നിയമത്തിലും വ്യവസ്ഥയില്ല. നിയമിക്കുന്ന ആള്ക്ക് ആവശ്യമായ യോഗ്യത ഉണ്ടായിരിക്കണം എന്നതിലാണ് കാര്യം. ജലീല് നിയോഗിച്ചയാള്ക്ക് യോഗ്യത ഉണ്ടെന്ന് ഹൈക്കോടതിയിലും ഗവര്ണറെയും ബോധ്യപ്പെടുത്തിയതാണ്. ലോകായുക്തയുടെ വിധിക്കെതിരെ നിയമനടപടി സ്വീകരിക്കുമെന്ന് ജലീല് അറിയിച്ചിട്ടുണ്ട്. എല്ലാ കാര്യങ്ങളും പരിശോധിക്കുമെന്നും എ കെ ബാലന് പറഞ്ഞു.
