തിരുവനന്തപുരം : മുഖ്യമന്ത്രിക്കെതിരെ രാജ്ഭവനില് ഗവര്ണറുടെ അസാധാരണ വാര്ത്താസമ്മേളനം. കണ്ണൂരില് നടന്ന ചരിത്ര കോണ്ഗ്രസില് തനിക്കെതിരെ പ്രതിഷേധിച്ചവരെ തടയാന് ശ്രമിച്ച പോലീസിനെ മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷ് ഇടപെട്ട് വിലക്കിയെന്ന് ഗവര്ണര് ആരിഫ് മുഹമ്മദ് ഖാന്. ചരിത്ര കോണ്ഗ്രസിലെ ദൃശ്യങ്ങള് വാര്ത്താസമ്മേളനത്തില് പ്രദര്ശിപ്പിച്ചു.
ഗവര്ണറെ തടയുന്നതും ആക്രമിക്കുന്നതും ഇതിന് ശ്രമിക്കുന്നതും ക്രിമിനല് കുറ്റമാണെന്ന് ഐപിസി 124ാം വകുപ്പ് ഉദ്ധരിച്ച് ഗവര്ണര് പറഞ്ഞു. പ്രതിഷേധിച്ചവരെ അറസ്റ്റ് ചെയ്യാന് ശ്രമിച്ചപ്പോള് തടഞ്ഞത് മുഖ്യമന്ത്രിയുടെ പ്രൈവറ്റ് സെക്രട്ടറി കെ.കെ.രാഗേഷ് ആണെന്ന് ദൃശ്യങ്ങളിൽ വ്യക്തമാണെന്നും ഗവർണർ ആരോപിച്ചു.
