റാഞ്ചി : അശങ്കകൾക്കൊടുവിൽ ഝാർഖണ്ഡിൽ പുതിയ സർക്കാരുണ്ടാക്കാൻ ഗവർണറുടെ അനുമതി. മുഖ്യമന്ത്രിയായി സത്യപ്രതിജ്ഞ ചെയ്യാൻ ജെ.എം.എം. നിയമസഭാകക്ഷിനേതാവ് ചംപായ് സോറനെ ഗവർണർ സി.പി രാധാകൃഷ്ണൻ ക്ഷണിച്ചു. വ്യാഴാഴ്ച അർധരാത്രിയോടെ ഗവർണറുടെ പ്രിൻസിപ്പൽ സെക്രട്ടറി നിതിൻ മദൻ കുൽക്കർണിയാണ് ഇക്കാര്യമറിയിച്ചത്. പത്തുദിവസത്തിനകം ഭൂരിപക്ഷം തെളിയിക്കാനാവശ്യപ്പെട്ടിട്ടുണ്ട്. വെള്ളിയാഴ്ച സത്യപ്രതിജ്ഞ നടത്തുമെനന്ന് സംസ്ഥാന കോൺഗ്രസ് അധ്യക്ഷൻ രാജേഷ് താക്കൂർ വ്യക്തമാക്കി.
നേരത്തെ, രാജ്ഭവനിലെത്തിയ സോറൻ സർക്കാർ ഉണ്ടാക്കാനുള്ള തന്റെ അവകാശവാദം അംഗീകരിക്കണമെന്ന് ഗവർണർ സി.പി. രാധാകൃഷ്ണനോട് ആവശ്യപ്പെട്ടിരുന്നു. ഝാർഖണ്ഡിൽ കഴിഞ്ഞ 20 മണിക്കൂറായി ഭരണനേതൃത്വമില്ലെന്നും എത്രയും പെട്ടെന്ന് തീരുമാനമെടുക്കണമെന്നും ഗവർണറോട് അദ്ദേഹം ആവശ്യപ്പെടുകയും ചെയ്തു.
