തിരുവനന്തപുരം : കെ.യു.ഡബ്ല്യു.ജെ പ്രസ് ക്ലബ്ബുകള് രണ്ടര കോടി രൂപ സര്ക്കാര് ഫണ്ട് വെട്ടിച്ചതിനെക്കുറിച്ച് സ്വതന്ത്ര അന്വേഷണം ആവശ്യപ്പെട്ട് അഡ്വ.കൃഷ്ണ രാജ് മുഖേന സമര്പ്പിച്ച റിട്ട് ഹര്ജി ഹൈക്കോടതി ഫയലില് സ്വീകരിച്ചു.
എതിര്കക്ഷികള്ക്ക് നോട്ടീസ് അയക്കാന് ചീഫ് ജസ്റ്റിസ് മണികുമാറും ജസ്റ്റിസ് ഷാജി പി. ചാലിയും ഉള്പ്പെട്ട ഡിവിഷന് ബഞ്ച് ഉത്തരവിട്ടു. കെ.യു.ഡബ്ല്യു.ജെ ഡല്ഹി ഘടകം 25 ലക്ഷം രൂപ സര്ക്കാര് ഫണ്ട് വെട്ടിച്ചതിനെതിരെ ഹൈക്കോടതിയിലെ ഇതേ ബഞ്ചിനു മുന്നിലുള്ള കേസും പുതിയ കേസും ഇനി ഒന്നിച്ചു പരിഗണിക്കാനും ബഞ്ച് ഉത്തരവായി. എതിര് കക്ഷികളായ സി എ ജി , സിബിഐ, ചീഫ് സെക്രട്ടറി, ധനകാര്യ സെക്രട്ടറി, ഐ പി ആര് ഡി സെക്രട്ടറി, കെ.യു.ഡ.ബ്ല്യൂ.ജെ സംസ്ഥാന ജനറല് സെക്രട്ടറി ഇ.എസ്.സുഭാഷ് എന്നിവര്ക്ക് നോട്ടീസ് അയക്കാനാണ് നിര്ദ്ദേശം.
