മട്ടാഞ്ചേരി : കൊച്ചിയില് സര്വിസ് നടത്തുന്ന യാത്രാബോട്ടുകളില് ജി.പി.എസ് സംവിധാനമൊരുക്കുന്ന കാര്യം പരിഗണനയില്. ആദ്യഘട്ടത്തില് മെട്രോ സിറ്റിയായ കൊച്ചിയില് സര്വിസ് നടത്തുന്ന ജലഗതാഗത വകുപ്പിന്റെ ബോട്ടുകളിലായിരിക്കും ജി.പി.എസ് ഒരുക്കുക. യാത്രക്കാര്ക്കും അധികൃതര്ക്കും ബോട്ടിന്റെ യാത്രാഗതി അറിയാനും സമയ വിവരങ്ങളടക്കം മനസ്സിലാക്കാനും സുരക്ഷാ നടപടിയുടെ ഭാഗവുമായാണ് പുതിയ സംവിധാനം.
ജലഗതാഗത വകുപ്പിന്റെ ബോട്ടുകള്ക്കുപുറമെ കൊച്ചി മെട്രോയുടെ വണ് കാര്ഡ് യാത്രകള്ക്കായുള്ള ജലമെട്രോ ബോട്ടുകളിലും ജി.പി.എസ് സംവിധാനമേര്പ്പെടുത്തും. തുടര്ന്ന് സ്വകാര്യ ടൂറിസ്റ്റ് ബോട്ടുകളിലടക്കം ജി.പി.എസ് സംവിധാനം ഘടിപ്പിക്കാനാണ് ലക്ഷ്യമിടുന്നത്. മത്സ്യബന്ധന ബോട്ടുകളില് ജി.പി.എസ് ഏര്പ്പെടുത്തിയതിന്റെ ഗുണഗണങ്ങള് കണക്കിലെടുത്താണ് യാത്രബോട്ടുകളിലും സുരക്ഷ, കൃത്യത എന്നിവക്കായി ഇവ ഘടിപ്പിക്കുന്നത്.
