റാന്നി : കിണർ വൃത്തിയാക്കാനായി ഇറങ്ങുന്നതിനിടയിൽ കാൽ വഴുതി കിണറ്റിൽ വീണു ഗൃഹനാഥന് പരിക്കേറ്റു. വടശ്ശേരിക്കര മംഗലത്താടി വീട്ടിൽ മാത്യുവിനാണ് പരിക്കേറ്റത്. ഇന്നലെ വൈകീട്ട് ആറുമണിയോടെയാണ് അപകടം നടന്നത്. വീഴ്ചയുടെ ആഘാതത്തിൽ മാത്യുവിനെ കാലിന് സാരമായ പരുക്കേറ്റു. നാട്ടുകാർ വിവരമറിയിച്ചതിനെ തുടർന്ന് റാന്നി ഫയർ ഫയർഫോഴ്സ് എത്തിയാണ് ആളെ പുറത്തെത്തിച്ചത്. കാലിനു പരിക്കേറ്റതിനാൽ അദ്ദേഹത്തെ പത്തനംതിട്ട ജനറൽ ലേക്ക് മാറ്റുകയായിരുന്നു. ഫയർ ഓഫീസർ കെ പി സുരേഷ് കുമാറിൻറെ നേതൃത്വത്തിൽ കെ പി പ്രദീപ്, ശങ്കരനാരായണൻ, മനോജ്, വിഷ്ണു കുമാർ, ഡ്രൈവർ വിമൽ എന്നിവരുടെ നേതൃത്വത്തിലായിരുന്നു രക്ഷാപ്രവർത്തനം.
