ഗോധ്ര : ഗുജറാത്തിലെ കെമിക്കല് ഫാക്ടറിയിലുണ്ടായ തീപിടിത്തത്തില് രണ്ടുപേര്ക്ക് ദാരുണാന്ത്യം. 15 പേര്ക്ക് പരിക്കേറ്റു. പഞ്ച്മഹല് ജില്ലയിലാണ് സംഭവം. ഘോഘംബ താലൂക്കിലെ രഞ്ജിത്നഗര് ഗ്രാമത്തിന് സമീപം സ്ഥിതി ചെയ്യുന്ന ഗുജറാത്ത് ഫ്ലൂറോകെമിക്കല്സ് ലിമിറ്റഡിന്റെ (ജിഎഫ്എല്) കെമിക്കല് നിര്മാണ പ്ലാന്റില് രാവിലെ 10 നാണ് സ്ഫോടനമുണ്ടായത്. അപകടത്തില് പരിക്കേറ്റവരെ ആശുപത്രികളില് പ്രവേശിപ്പിച്ചു. ഇതില് ചിലരുടെ പരുക്ക് ഗുരതരമാണ്. പത്തോളം അഗ്നിശമന സേനയൂണിറ്റുകള് എത്തിയാണ് തീ നിയന്ത്രണ വിധേയമാക്കിയത്. സ്ഫോടനം നടന്നതെങ്ങനെയെന്ന് അന്വേഷണം നടക്കുന്നു.
