ഗുജറാത്ത് : ഗുജറാത്ത് മുന് മുഖ്യമന്ത്രി കേശുഭായ് പട്ടേല് അന്തരിച്ചു. 92 വയസായിരുന്നു. അലഹബാദിലെ സ്വകാര്യ ആശുപത്രിയിലായിരുന്നു അന്ത്യം. കഴിഞ്ഞ മാസം കൊവിഡ് ബാധിച്ചതിനെതുടര്ന്ന് ചികിത്സ തേടിയിരുന്നു. ശ്വാസതടസവും നെഞ്ചുവേദനയും അനുഭവപ്പെട്ടതിനെ തുടര്ന്ന് ഇന്ന് രാവിലെ ആശുപത്രിയില് പ്രവേശിപ്പിക്കുകയായിരുന്നു. 1995ലും 1998-2001 കാലത്തും ഗുജറാത്ത് മുഖ്യമന്ത്രിയായിരുന്നു. ആറ് തവണ ഗുജറാത്ത് നിയമസഭാംഗമായിരുന്ന പട്ടേല് 2012ല് ബിജെപി വിട്ട് ഗുജറാത്ത് പരിവര്ത്തന് പാര്ട്ടി രൂപീകരിച്ചു. പിന്നീട് 2014ല് ബിജെപിയില് തിരിച്ചെത്തി. 1960ല് ജനസംഘത്തിന്റെ സ്ഥാപകാംഗമായിട്ടാണ് കേശുഭായ് പട്ടേല് രാഷ്ട്രീയത്തില് സജീവമായത്.
