മണ്ണഞ്ചേരി : കൊടുവാളുമായി കാറില് സഞ്ചരിച്ച ഗുണ്ടാസംഘത്തെ പോലീസ് പിടികൂടി. കുറുപ്പന്കുളങ്ങര തയ്യില് സജിത് (26), മുട്ടത്തിപറമ്പ് കണ്ടത്തില്തറ ശരണ്കുമാര് (31), ചേര്ത്തല ചിറ്റേഴത്ത് സൂര്യ (29) എന്നിവരാണ് പിടിയിലായത്. മൂവരെയും കോടതി 14 ദിവസത്തേക്ക് റിമാന്ഡ് ചെയ്തു. കഴിഞ്ഞ ദിവസം പുലര്ച്ചെ റോഡ്മുക്ക് ഭാഗത്ത് നിന്നാണ് പോലീസ് സംഘത്തെ പിടികൂടിയത്.
മണ്ണഞ്ചേരി പ്രദേശത്തെ സംഘര്ഷാവസ്ഥയെ തുടര്ന്ന് രാത്രി റോഡുകളില് പോലീസ് ശക്തമായ പട്രോളിങ് ഏര്പ്പെടുത്തി. എല്ലാ വാഹനങ്ങളും പരിശോധിച്ച ശേഷമേ കടത്തിവിടുന്നുള്ളൂ. എസ്.ഐ കെ.ആര്. ബിജുവിന്റെ നേതൃത്വത്തില് വാഹന പരിശോധന നടത്തവേ കാര് നിര്ത്തിയ ശേഷം പെട്ടെന്ന് ഒരാള് ഇറങ്ങി ഓടുകയായിരുന്നു.
പോലീസെത്തി കാറിലുണ്ടായിരുന്ന മറ്റ് മൂന്നു പേരെയും കസ്റ്റഡിയില് എടുത്തു. തുടര്ന്ന് നടത്തിയ പരിശോധനയിലാണ് കൊടുവാള് കണ്ടെത്തിയത്. നിരവധി ക്രിമിനല് കേസുകളില് പ്രതിയായ ചേര്ത്തല സ്വദേശിയാണ് ഓടി രക്ഷപ്പെട്ടതെന്ന് പോലീസ് പറഞ്ഞു. പിടിയിലായവരും ക്രിമിനല് കേസുകളിലെ പ്രതികളാണ്. ഇവര് വാടക്കെടുത്ത കാറില് ആലപ്പുഴയില് പോയി മടങ്ങുകയായിരുന്നുവെന്നാണ് വിവരം. സി.ഐ പി.കെ. മോഹിത്, ഉദ്യോഗസ്ഥരായ അശോകന്, മിഥുന്ദാസ്, രഞ്ജിത്, അര്ഷാദ്, നെഫിന്, അനൂപ് എന്നിവരുള്പ്പെട്ട സംഘമാണ് പ്രതികളെ പിടികൂടിയത്.
