കൊച്ചി : ഗുണ്ടാ നേതാവിനെ കൊന്നു ചാലില് ചവിട്ടി താഴ്ത്തിയ നിലയില് കണ്ടെത്തി. പള്ളുരുത്തി സ്വദേശി ലാസര് ആന്റണിയുടെ മൃതദേഹമാണ് ചതുപ്പില് താഴ്ത്തിയ നിലയില് കണ്ടെത്തിയത്. ഇയാളെ കാണ്മാനില്ലായെന്ന് പറഞ്ഞ് അമ്മ പള്ളുരുത്തി സ്റ്റേഷനില് കഴിഞ്ഞ ദിവസം പരാതി നല്കിയിരുന്നു. കഴിഞ്ഞ 9 ന് ലഭിച്ച പരാതിയുടെ അടിസ്ഥാനത്തില് പോലീസ് വിവിധ സ്ഥലങ്ങളില് അന്വേഷണം നടത്തിയെങ്കിലും ഫലുണ്ടായില്ല.
രഹസ്യവിവരത്തിന്റെ അടിസ്ഥാനത്തില് പഴങ്ങാട് ഭാഗത്ത് നടത്തിയ തിരച്ചിലിലാണ് മൃതദേഹം കണ്ടെത്തിയത്. മൃതദേഹം അഴുകിയ നിലയിലാണ്. രണ്ടാഴ്ചയെങ്കിലും പഴക്കമുണ്ട്. മരണത്തില് ദുരൂഹതയുണ്ടെന്ന് പോലീസ് അറിയിച്ചു. നിരവധി ക്രിമിനല് കേസുകളില് പ്രതിയായിരുന്നു ലാസര്. ഇയാള്ക്കെതിരെ കാപ്പ ചുമത്താന് പോലീസ് നിര്ദ്ദേശവും നല്കിയിരുന്നു.
