ആലപ്പുഴ : സിപിഐ ജില്ലാ സെക്രട്ടറി പദവിയുടെ ഔന്നത്യം ഉയര്ത്തിപ്പിടിക്കണമെന്ന് എച്ച്.സലാം എംഎൽഎ. മണലെടുപ്പ് തടഞ്ഞത് തീരം സംരക്ഷിക്കാനെന്നും എച്ച് സലാം. വ്യക്തത വേണമെങ്കില് സ്വന്തം പാര്ട്ടിക്കാരനായ മന്ത്രി പി.പ്രസാദിനോട് ചോദിച്ചാല് മതി. സര്ക്കാര് നിലപാടിനൊപ്പം നില്ക്കുകയാണ് ടി.ജെ ആഞ്ചലോസ് ചെയ്യേണ്ടതെന്നും സലാം പറഞ്ഞു.
ഫെയ്സ് ബുക്ക് പോസ്റ്റിലൂടെ ആഞ്ചലോസാണ് തർക്കത്തിന് തുടക്കമിട്ടത്. തോട്ടപ്പള്ളിയിലെ മണലെടുപ്പ് സലാം തടഞ്ഞത് ഫെയ്സ്ബുക്കിലൂടെ ആഞ്ചലോസ് പരിഹസിച്ചിരുന്നു. മേയ് മാസത്തിലെ ആദ്യ ഞായറാഴ്ച ആണ് ലോക ചിരിദിനം എന്നായിരുന്നു ആഞ്ചലോസിന്റെ കമന്റ്. ഇതിന് മറുപടിയായി സിപിഐയുടെ മഹാനായ നേതാവിനോട് അനുവാദം ചോദിക്കാൻ കഴിഞ്ഞില്ല, ക്ഷമിക്കണേ സിംഹമേ എന്ന സലാമിന്റെ പോസ്റ്റ്. ഇതിന് മറുപടിയായി സിംഹങ്ങള്ക്ക് തൊലിക്കട്ടി കുറവാണ്– ട്രോളല്ല എന്നാണ് ആഞ്ചലോസിന്റെ പുതിയ മറുപടി.
