പാലക്കാട്: സംസ്ഥാനത്ത് വീണ്ടും എച്ച്1 എന്1 മരണം. പാലക്കാടാണ് മരണം റിപ്പോര്ട്ട് ചെയ്തത്. കരിമ്പുഴ എളമ്പുലാശേരി സ്വദേശി എഴുപത്തിയേഴുകാരന്റെ മരണം എച്ച്1 എന്1 ബാധിച്ചാണെന്ന് സ്ഥിരീകരിച്ചു. പകര്ച്ചവ്യാധി വ്യാപനത്തിനുശേഷം എച്ച്1 എന്1 ബാധിച്ചുള്ള ജില്ലയിലെ രണ്ടാമത്തെ മരണമാണിത്. പാലക്കാട് ജില്ലയില് ഡെങ്കിപ്പനി ബാധിച്ച് ഈ മാസം നാലുപേര് മരിച്ചിരുന്നു.
അതേസമയം, സംസ്ഥാനത്ത് ദിനം പ്രതി പകർച്ചവ്യാധികൾ പടരുകയാണ്. ഇന്ന് 70 പേർക്ക് ഡെങ്കിപ്പനി സ്ഥിരീകരിച്ചിട്ടുണ്ട്. എലിപ്പനി, മഞ്ഞപ്പിത്തം, ഇൻഫ്ലുവൻസ രോഗങ്ങൾ ബാധിച്ച് നിരവധി പേരാണ് ചികിത്സ തേടുന്നത്. ഈ മാസം മാത്രം 1630 പകർച്ചവ്യാധിക്കേസുകളും ആറ് മരണവും റിപ്പോർട്ട് ചെയ്തിരുന്നു. ഇന്ന് 13533 പേരാണ് പകർച്ച പനി ബാധിച്ചു ചികിത്സ തേടിയത്
