പത്തനംതിട്ട : പ്രവാസി പുനരധിവാസം നടപ്പിലാക്കുന്നതിൽ കേന്ദ്ര-സംസ്ഥാന സർക്കാരുകൾ തികഞ്ഞ പരാജയമെന്ന് പ്രവാസി ലീഗ് സംസ്ഥാന പ്രസിഡണ്ട് ഹനീഫ മൂന്നിയൂർ പ്രസ്താവിച്ചു. തിരിച്ചു വന്ന പ്രാസികളുടെ പ്രശ്നങ്ങൾ നിരവധിയാണ്. അവ പരിഹരിക്കാൻ ആവശ്യമായ സത്വര നടപടികൾ ഉണ്ടാകണം. പ്രവാസികളിൽ ഭൂരിഭാഗവും പ്രതിസന്ധിയിലാണ്. അവരെ കാണാതെ പോകുന്നത് ഖേദകരമാണ്. അദ്ദേഹം പറഞ്ഞു. പത്തനംതിട്ട ജില്ലാ പ്രവാസി ലീഗ് സംഘടിപ്പിച്ച സൈകതം 22 ക്യാമ്പ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
ലീഗ് ജില്ലാ പ്രസിഡണ്ട് ടി എം ഹമീദിന്റെ അധ്യക്ഷതയിൽ കൂടിയയോഗത്തിൽ പ്രവാസി ലീഗ് ജില്ലാ പ്രസിഡണ്ട് സജീർ പേഴുംപാറ, ലീഗ് ജില്ലാ ജനറൽ സെക്രട്ടറി സമദ് മേപ്രത്ത്, സംസ്ഥാന വൈസ് പ്രസിഡണ്ട് ഉമയനല്ലൂർ ശിഹാബുദ്ധീൻ, ആലപ്പുഴ ജില്ലാ പ്രസിഡണ്ട് ഷുഐബ് അബ്ദുള്ളക്കോയ, ജനറൽ സെക്രട്ടറി റിയാസ് അൽ ഫൗസ്, അഡ്വ അൻസലാഹ്മുഹമ്മദ്, ബഷീർ എംബ്രയിൽ, നൗഷാദ് അടൂർ, എ കെ.സജ്ജാദ്, എ.സഗീർ, അബ്ദുൾ കരീം തെക്കെത്ത്, എൻ എ നൈസാം, മുത്തലിഫ്കോന്നി, ഇബ്രാഹിം കുട്ടി, മുഹമ്മദ് ഹനീഫ, കെ പി നൗഷാദ്, കെ എം രാജാ, മുഹമ്മദ് വലഞ്ചുഴി, ഷാഹുൽ ഹമീദ്, മുഹമ്മദ് ബേബി, അൻസാരി മന്ദിരം, ഷാൻ പുള്ളോലി, ഇബ്രാഹീം പേഴുമ്പാറ, സലീം തൃക്കോമല എന്നിവർ പ്രസംഗിച്ചു.
