പത്തനംതിട്ട : മൂല്യങ്ങൾക്ക് വേണ്ടി പോരാടുന്ന യുവ സമൂഹത്തെ വാർത്തെടുക്കുവാൻ വൈ എം സി എ പോലുള്ള പ്രസ്ഥാനങ്ങൾ കർമ്മപദ്ധതികൾ ആവിഷ്കരിക്കണമെന്ന് ഓർത്തഡോക്സ് സഭയിലെ സീനിയർ ബിഷപ്പ് കുരിയക്കോസ് മാർ ക്ലിമിസ് മെത്രാപോലീത്ത പറഞ്ഞു. ഇന്ന് മൂല്യങ്ങൾ നഷ്ടപ്പെട്ടുകൊണ്ടിരിക്കുന്നു. സമൂഹത്തിനു നന്മ പകരുന്ന മൂല്യ ബോധമുള്ള തലമുറ ഉണ്ടാകണം മെത്രാപ്പോലീത്താ പറഞ്ഞു.
വൈ എം സി എ യുടെ വിവിധ മേഖലകളിൽ പ്രവർത്തിക്കുന്ന നേതാക്കൾക്കായി സംഘടിപ്പിച്ച നേതൃ സംഗമം പത്തനംതിട്ടയിൽ ഉദ്ഘാടനം ചെയ്യുകയായിരുന്നു മെത്രാപോലീത്ത. മുൻ ദേശീയ പ്രസിഡന്റ് ഡോ ലെബി ഫിലിപ്പ് മാത്യു അധ്യക്ഷത വഹിച്ചു. മുൻ സംസ്ഥാന ചെയർമാൻ പ്രൊഫ ജോയ് സി ജോർജ് മുഖ്യ പ്രഭാഷണം നടത്തി. എറണാകുളം വൈ എം സി എ പ്രസിഡന്റ് അലക്സാണ്ടർ എം ഫിലിപ്പ്, മുൻ സെൻട്രൽ ഇന്ത്യാ റീജിയൻ ചെയർമാൻ പി പി വറുഗീസ് ഭോപ്പാൽ എന്നിവർ മുഖ്യാതിഥികളായിരുന്നു. സീനിയർ നേതാക്കളായ പ്രൊഫ ഡോ രാജൻ ജോർജ് പണിക്കർ വാഴൂർ, കെ ഒ രാജുക്കുട്ടി കരിക്കം, അഡ്വ ജോസഫ് നെല്ലാനികൽ കുമ്പനാട്, അഡ്വ ബാബുജി കോശി, അഡ്വ മനോജ് തെക്കേടം ബിജുമോൻ കെ സാമുവേൽ എന്നിവർ പ്രസംഗിച്ചു.
വൈ എം സി എ യും പ്രവർത്തന പദ്ധതികളും എന്നവിഷയത്തെപ്പറ്റി നടന്ന സെമിനാർ മുൻ റീജിയണൽ സെക്രട്ടറി കെ പി ജോൺ ഉദ്ഘാടനം ചെയ്തു. മുൻ തിരുവല്ല സബ് റീജിയൻ ചെയർമാൻ ലാലു തോമസ് അധ്യക്ഷനായി. എബ്രഹാം പി കോശി, മാത്യൂസ് കാക്കൂരാൻ, മോട്ടി ചെറിയാൻ കെ കെ അലക്സാണ്ടർ, എം തോമസ്കുട്ടി, ടി എസ് തോമസ്, എൻ ബി തങ്കച്ചൻ എന്നിവർ പ്രസംഗിച്ചു.
വനിതാ -യുവജന നേതൃ സമ്മേളനം അഞ്ചൽ സെന്റ് ജോൺസ് കോളേജ് മുൻ പ്രിൻസിപ്പൽ ഡോ കെ വി തോമസ്കുട്ടി ഉദ്ഘാടനം ചെയ്തു. ആനി സജി അധ്യക്ഷത വഹിച്ചു. ഡോ എബ്രഹാം മാത്യു , സജയ് തങ്കച്ചൻ, കെ വി തോമസ്, മാത്യു എബ്രഹാം, സാജൻ കോശി, മേഴ്സി വറുഗീസ്, സാലി ജോസ് മാടപള്ളിൽ, സണ്ണി കുറ്റികാട്ടു, ജോസ് ചീക്കൻപാറ, ഏബെൽ മാത്യു, അനു മാത്യു ജോർജ്, രാജു തോമസ്, അനി എബ്രഹാം ജോഷാ മാത്യു, കെ കെ മാത്യു, ബെന്നി അജന്താ നിർമലാ റെജി , ജസ്റ്റിൻ ജോർജ് മാത്യു, എന്നിവർ പ്രസംഗിച്ചു.
