കണ്ണൂര് : വീട്ടുകാരുടെ മുന്നില്വച്ച് ഹരിദാസിനെ വെട്ടി നുറുക്കിയത് ആസൂത്രിതം എന്ന് കോടിയേരി ബാലകൃഷ്ണന്. പാര്ട്ടി അനുഭാവികളെ പോലും ആര്എസ്എസ് വെറുതെ വിടുന്നില്ല. ആര്എസ്എസിന്റെ ഉന്നതതല ഗൂഡാലോചന ഇതിന് പിന്നിലുണ്ടെന്നും സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞു. ആര്എസ്എസും ബിജെപിയും അക്രമ രാഷ്ട്രീയം നടത്തുമ്പോള് സിപിഎം സംയമനം ദൗര്ബല്യമായി കാണരുതെന്നും കോടിയേരി പറഞ്ഞു. ഹരിദാസിന്റെ കുടുംബത്തെ പാര്ട്ടി സംരക്ഷിക്കുമെന്നും കോടിയേരി അറിയിച്ചു. ന്യൂ മാഹിയില് സിപിഎം പ്രവര്ത്തകന് ഹരിദാസിന്റെ കൊലപാതകത്തില് നേരിട്ട് പങ്കെടുത്തവരടക്കം ആറ് ബിജെപി പ്രവര്ത്തകര് പിടിയില് ആയിരുന്നു. കൊലപാതകം നടത്തിയ സംഘത്തിലെ രണ്ട് പേരെയും ഗൂഢാലോചനകുറ്റം ചുമത്തി 4 പേരെയുമാണ് അറസ്റ്റ് ചെയ്തത്.
