കുവൈത്ത് സിറ്റി : മലയാളി യുവാവ് കുഴഞ്ഞു വീണു മരിച്ചു. ആലപ്പുഴ ഹരിപ്പാട് സ്വദേശി റെനി ജേക്കബ് വേണാട്ടുശേരില് (39) ആണ് ക്രിക്കറ്റ് മത്സരത്തില് പങ്കെടുക്കവേ കുഴഞ്ഞു വീണു മരിച്ചത്. സുലൈബിക്കാത്ത് ഗ്രൗണ്ടില് ആയിരുന്നു ക്രിക്കറ്റ് മത്സരം. കളി കാണാന് ഇദ്ദേഹത്തിന്റെ ഭാര്യയും മക്കളും എത്തിയിരുന്നു. ഇവരുടെ മുന്നില് വെച്ചായിരുന്നു റെനി കുഴഞ്ഞു വീണത്. ഉടന്തന്നെ ഫര്വ്വാനിയ ആശുപത്രിയില് എത്തിച്ചെങ്കിലും മരണമടഞ്ഞിരുന്നു. ഭാര്യ രജനി. മക്കള് ജുഹാന് , റോഹാന്.
