ഡല്ഹി: കോണ്ഗ്രസ് പുറത്താക്കിയ ഹരിയാന എംഎല്എ കുല്ദീപ് ബിഷ്ണോയി ബിജെപിയിലേക്ക്. കേന്ദ്ര ആഭ്യന്തരമന്ത്രി അമിത് ഷാ, ബിജെപി ദേശീയ അദ്ധ്യക്ഷന് ജെ.പി നദ്ദ എന്നിവരുമായി കുല്ദീപ് ബിഷ്ണോയി കൂടിക്കാഴ്ച നടത്തി.
അമിത് ഷാ യഥാര്ത്ഥ രാഷ്ട്രതന്ത്രജ്ഞനാണെന്നും ഇന്ത്യയെക്കുറിച്ചുള്ള അദ്ദേഹത്തിന്റെ കാഴ്ചപ്പാട് വിസ്മയിപ്പിക്കുന്നതാണന്നും നദ്ദയുടെ നേതൃത്വത്തില് ബി.ജെ.പി അഭൂതപൂര്വമായ ഉയരങ്ങള് കീഴടക്കിയെന്നും കൂടിക്കാഴ്ചയ്ക്ക് ശേഷം ബിഷ്ണോയി പറഞ്ഞു.
ഹരിയാനയിലെ രണ്ട് രാജ്യസഭാ സീറ്റുകളിലേക്ക് നടന്ന തെരഞ്ഞെടുപ്പില് ബിജെപി സ്ഥാനാര്ത്ഥികളെ പിന്തുണച്ചു എന്നാരോപിച്ചാണ് കുല്ദീപ് ബിഷ്ണോയിയെ കോണ്ഗ്രസ് പുറത്താക്കിയത്. 2016 ല് പാര്ട്ടി നന്നായി പ്രവര്ത്തിച്ചിരുന്നെങ്കില് ഇന്നത്തെ ദുര്ഗതി പാര്ട്ടിക്ക് ഉണ്ടാകില്ലെന്നായിരുന്നു പുറത്താക്കലിനെക്കുറിച്ചുള്ള ബിഷ്ണോയിയുടെ പ്രതികരണം. ധാര്മ്മികതയില് ഉറച്ച് നിന്ന് കൊണ്ട് തന്നെയായിരിക്കും തുടര് പ്രവര്ത്തനങ്ങള് എന്നും അദ്ദേഹം പറഞ്ഞു.