കൊച്ചി: കള്ളപ്പണം വെളുപ്പിച്ചെന്ന കേസില് എന്ഫോഴ്സ്മെന്റ് ഡയറക്ടറേറ്റിന്റെ കുറ്റപത്രം ചോദ്യം ചെയ്ത് എം ശിവശങ്കര് സമര്പ്പിച്ച ഹര്ജി പിന്വലിച്ചു. കേസില് ഹൈക്കോടതി ജാമ്യം അനുവദിച്ച സാഹചര്യത്തിലാണ് തീരുമാനം. കള്ളക്കടത്തില് തനിക്കു പങ്കില്ലെന്നും തനിക്കെതിരെ ഒരു തെളിവും ഹാജരാക്കാന് ആയിട്ടില്ലെന്നുമാണ് എന്ഫോഴ്സ്മെന്റെ കേസുമായി ബന്ധപ്പെട്ട് ശിവശങ്കര് കോടതിയില് വാദിച്ചത്.
കുറ്റപത്രം അപൂര്ണമാണെന്നും തന്നെ പോസിക്യൂട്ട് ചെയ്യുന്നതിന് സര്ക്കാരിന്റെ മുന്കൂര് അനുമതി വാങ്ങിയിട്ടിയില്ലെന്നുമാണ് ശിവശങ്കറിന്റെ പ്രധാന വാദം. തന്നെ പ്രോസിക്യൂട്ട് ചെയ്യുന്നതിന് സര്ക്കാരിന്റെ മുന്കൂര് അനുമതി വാങ്ങിയിട്ടില്ലെന്നും ശിവശങ്കര് ഹര്ജിയില് വാദിച്ചിരുന്നു. ആവശ്യമെങ്കില് ഭാവിയില് ഹര്ജി നല്കുമെന്ന് ശിവശങ്കര് അറിയിച്ചു. ഇക്കാര്യം കോടതി അനുവദിച്ചു. എന്നാല് കള്ളക്കടത്ത് റാക്കറ്റിലെ പ്രധാന കണ്ണിയാണ് ശിവശങ്കറെന്നും ശക്തമായ തെളിവുകള് ലഭിച്ചിട്ടുണ്ടെന്നും എന്ഫോഴ്സ്മെന്റ് ഡയറക്ടറേറ്റ് പറയുന്നു. അന്വേഷണം പൂര്ത്തിയായിട്ടില്ലെന്നും അഡീഷണല് കുറ്റപത്രം ഉണ്ടാകുമെന്നുമാണ് ഇഡി കോടതിയെ അറിയിച്ചത്.
