പത്തനാപുരം: പത്തനാപുരം പഞ്ചായത്തില് കോണ്ഗ്രസ് ആഹ്വാനം ചെയ്ത ഹര്ത്താല് ആരംഭിച്ചു. ഗണേഷ് കുമാര് എംഎല്എയുടെ പത്തനാപുരത്തെ വസതിയിലേക്ക് യൂത്ത് കോണ്ഗ്രസ് നടത്തിയ പ്രതിഷേധ മാര്ച്ചിനു നേരെ ഉണ്ടായ പോലീസ് നടപടിയില് പ്രതിഷേധിച്ചാണ് ഹര്ത്താല്. രാവിലെ മുതല് ആരംഭിച്ച ഹര്ത്താല് പൂര്ണമാണ്.
കെ.ബി ഗണേഷ് കുമാര് എംഎല്എക്കെതിരെ കരിങ്കൊടി കാണിച്ച യൂത്ത് കോണ്ഗ്രസ് കെഎസ് യു പ്രവര്ത്തകരെ ഗണേഷ് കുമാറിന്റെ മുന് പി.എ പ്രദീപ് കോട്ടത്തലയുടെ നേതൃത്വത്തിലുള്ള സംഘം ആക്രമിച്ച് പരുക്കേല്പ്പിച്ചിരുന്നു. ഇതില് പ്രതിഷേധിച്ചാണ് എംഎല്എയുടെ വസതിയിലേക്ക് യൂത്ത് കോണ്ഗ്രസ് മാര്ച്ച് നടത്തിയിരുന്നത്.
