ചെങ്ങന്നൂര് : വെണ്മണി ഗ്രാമപഞ്ചായത്തില് മാമ്പ്രപ്പാടത്ത് 40 ഏക്കര് പാടശേഖരത്തില് വെണ്മണി ഗ്രാമപഞ്ചായത്തിന്റയും കൃഷി വകുപ്പിന്റയും സംയുക്ത നേതൃത്വത്തില് വിളവെടുപ്പ് ഉത്സവം നടന്നു. ബ്ലോക്ക് പഞ്ചായത്ത് പ്രസിഡന്റ് ജെബിന് പി വര്ഗ്ഗീസ് ഉദ്ഘാടനം നിര്വ്വഹിച്ചു. ഗ്രാമപഞ്ചായത്ത് പ്രസിഡന്റ് ടി.സി സുനിമോള് അദ്ധ്യക്ഷത വഹിച്ചു. ജില്ലാ പഞ്ചായത്ത് അംഗം മഞ്ജുള ദേവി, ഗ്രാമപഞ്ചായത്ത് വൈസ് പ്രസിഡന്റ് പി.ആര് രമേഷ് കുമാര്, വികസന സ്റ്റാന്ഡിംഗ് കമ്മിറ്റി ചെയര് പേഴ്സണ് സൗമ്യ റെനി, വെന്സെക്ക് ചെയര്മാന് കോശി ഏബ്രഹാം, കൃഷി ആഫീസര് സുഫജിത്ത്.എസ്, എന്.ബാബു എന്നിവര് സംസാരിച്ചു.
