കൊച്ചി : വാഹനങ്ങള്ക്കു രൂപമാറ്റം വരുത്തുന്നതിന്റെ ബാധ്യത വാഹനമുടമയ്ക്കും നിര്മാതാക്കള്ക്കുമാണെന്നും ഇതിനുള്ള സാമഗ്രികള് വില്ക്കുന്ന കടയുടമയ്ക്കല്ലെന്നും ഹൈക്കോടതി. വാഹനങ്ങളുടെ ആക്സസറികളും സണ്ഫിലിമും വില്ക്കുന്ന സ്ഥാപനം നടത്തുന്ന കരുനാഗപ്പള്ളി സ്വദേശി അബ്ദുള് സത്താര് ഉള്പ്പെടെ മൂന്നു പേര് നല്കിയ ഹര്ജിയിലാണ് ജസ്റ്റീസ് അമിത് റാവല് ഇക്കാര്യം വ്യക്തമാക്കിയത്.
സണ്ഫിലിം ഉള്പ്പെടെ ആക്സസറീസ് വില്ക്കുന്നതു വാഹനങ്ങളുടെ രൂപമാറ്റം പാടില്ലെന്ന ചട്ടവ്യവസ്ഥയുടെ ലംഘനമാണെന്ന് ചൂണ്ടിക്കാട്ടി ആലപ്പുഴ ആര്ടി ഓഫീസില്നിന്ന് നോട്ടീസ് ലഭിച്ച സാഹചര്യത്തിലണ് ഇവര് ഹര്ജി നല്കിയത്. സ്ഥാപനങ്ങളുടെ രജിസ്ട്രേഷന് റദ്ദാക്കുമെന്ന ആശങ്കയിലാണ് ഹര്ജിക്കാര് ഹൈക്കോടതിയെ സമീപിച്ചത്. സ്പെയര്പാര്ട്സും വാഹനം മോടിപിടിപ്പിക്കുന്നതിനുള്ള സാധനങ്ങളും വില്ക്കുന്നതു നിയമവിരുദ്ധമല്ല.
