മലപ്പുറം : സ്ത്രീ പീഡനക്കേസില് സിപിഎം അനുകൂലിയും സോഷ്യല് മീഡിയയിലെ സ്ത്രീപക്ഷവാദിയുമായ ജഹാംഗീര് ആമിന റസാക്കിനെ പോലീസ് അറസ്റ്റ് ചെയ്തു. യുവതിയുടെ പരാതിയില് കോട്ടയ്ക്കല് പോലീസ് ആണ് ഇയാള്ക്കെതിരെ നടപടി സ്വീകരിച്ചത്. സമൂഹമാധ്യമത്തില് യുവതിയെ അപമാനിക്കുന്ന തരത്തില് ദൃശ്യങ്ങള് പ്രചരിപ്പിച്ചതിനാണ് ഇയാള്ക്കെതിരെ കേസ് എടുത്തിരിക്കുന്നത്.
അറസ്റ്റ് ചെയ്തതിന് പിന്നാലെ കോടതിയില് ഹാജരാക്കിയ ഇയാള്ക്ക് ഇടക്കാല ജാമ്യം അനുവദിച്ചു. സംഭവത്തില് ഐടി ആക്ട് പ്രകാരമാണ് കേസ് എടുത്തിരുന്നത്. നേരത്തെയും ഇയാള്ക്കെതിരെ നിരവധി പീഡന പരാതികള് സമൂഹമാധ്യമങ്ങള് വഴി ഉയര്ന്നിരുന്നു. കുടുംബാംഗമായ കുട്ടിയെ ഇയാള് പീഡിപ്പിക്കാന് ശ്രമിച്ചതായി ആരോപണമുണ്ട്. സമൂഹമാധ്യമങ്ങളില് സ്ത്രീകളുമായി അടുപ്പം സ്ഥാപിച്ച ശേഷം നഗ്നചിത്രങ്ങള് കൈക്കലാക്കി സാമ്പത്തികമായും ലൈംഗികമായും ദുരുപയോഗം ചെയ്യുന്നതാണ് എസ്എഫ്ഐ മുന് ജില്ലാ ഭാരവാഹികൂടിയായ ജഹാംഗീറിന്റെ പതിവ് രീതിയെന്നാണ് പറയപ്പെടുന്നത്. ജഹാംഗീര് അഭിഭാഷകന് കൂടിയാണ്.
