കൊല്ക്കത്ത : യാത്രക്കാരുടെ എണ്ണം വര്ദ്ധിക്കുന്നതിനാല് ട്രെയിനുകളുടെ എണ്ണം വര്ദ്ധിപ്പിക്കണം എന്ന് ആവശ്യപ്പെട്ട് റെയില്വേ സ്റ്റേഷനുകളില് പ്രതിഷേധം. ബംഗാളിലെ ഹൂഗ്ലീ ജില്ലയിലെ മൂന്ന് റെയില്വേ സ്റ്റേഷനുകളിലാണ് യാത്രക്കാര് പ്രതിഷേധം നടത്തിയത്. ഖാന്യാന്, പലണ്ടു, പാണ്ഡുവ എന്നീ സ്റ്റേഷനുകളിലാണ് പ്രതിഷേധം നടന്നത്. ഖാന്യാനില് ഒരു ട്രെയിനിന് നേരെ പ്രതിഷേധക്കാര് കല്ലേറിഞ്ഞു.
ഇതിന് പുറമെ സ്റ്റേഷനില് എത്തുന്ന യാത്രക്കാരോട് പ്രതിഷേധത്തില് പങ്കെടുക്കാന് പ്രക്ഷോഭകര് ആവശ്യപ്പെട്ടു.ട്രെയിനുകളുടെ ദൗര്ലഭ്യം യാത്രക്കാരെ ബുദ്ധിമുട്ടിക്കുന്നുണ്ട്. വരുന്ന ട്രെയിനുകളില് ആളുകള് പരസ്പരം ശ്രദ്ധിക്കാതെ കയറി പറ്റാന് ശ്രമിക്കുകയാണ്. ഇത് പലപ്പോഴും അപകടങ്ങള്ക്ക് കാരണമാകുന്നു എന്ന് പ്രതിഷേധക്കാരില് ഒരാള് പറഞ്ഞു.
