തിരുവനന്തപുരം : സ്വപ്ന സുരേഷിന്റെ ആരോപണങ്ങള് തള്ളി പി. ശ്രീരാമകൃഷ്ണന്. ആരോടും അപമര്യാദയായി പെരുമാറാറില്ലെന്നും സ്വപ്ന ഗൂഢാലോചനയിലെ കരുവാണെന്നും ഫെയ്സ്ബുക്കില് അദ്ദേഹം കുറിച്ചു. കുടുംബത്തോടൊപ്പം താമസിക്കുന്നിടത്ത് മദ്യപാനസദസ് നടത്താന് താന് സംസ്കാരശൂന്യനല്ല. അനാവശ്യ സന്ദേശങ്ങള് അയച്ചു എന്ന ആരോപണവും ശ്രീരാമകൃഷ്ണന് നിഷേധിച്ചു. ഔദ്യോഗിക വസതിയില് സ്വപ്ന വരാറുള്ളത് ഭര്ത്താവിനും മകനും ഒരുമിച്ചാണ്. ഒറ്റക്ക് വരണമെന്ന് പറയാനുള്ള മൗഢ്യം തനിക്കില്ലെന്നും കുറിപ്പിൽ പറയുന്നു.
