തെരുവു വിളക്കുകൾ കത്താത്തതിൽ പ്രതിഷേധിച്ച് ചൂട്ടുകത്തിച്ച് സമരം

കൊയിലാണ്ടി : നഗരസഭയിലെ 31-ാം ഡിവിഷനിലെ നാൽപ്പതോളം തെരുവു വിളക്കുകൾ കണ്ണടച്ചിട്ട് മാസങ്ങളായി. ഇവ പ്രവർത്തനക്ഷമമാക്കാതെ ജനങ്ങളെ ബുദ്ധിമുട്ടിക്കുന്നതിൽ പ്രതിഷേധിച്ച് കോൺഗ്രസ്‌ കമ്മിറ്റി ചൂട്ടുകത്തിച്ച് പ്രതിഷേധിച്ചു. ബ്ലോക്ക് ജനറല്‍ സെക്രട്ടറി കെ.പി. വിനോദ് കുമാർ ഉദ്ഘാടനം ചെയ്തു. വാർഡ് കൗൺസിലർ എം. ദൃശ്യ, ചെറുവക്കാട്ട് രാമൻ, കെ.എം. സോമൻ, ടി.എം. ജിതേഷ്, മനോജ് കൃഷ്ണതുളസി, കെ.എം. സജീവൻ, രവീന്ദ്രൻ സൗപർണിക, കെ.എം. ആദിത്യ കൃഷ്ണ, ടി.കെ. ബാലൻ, കെ.എം. പ്രകാശൻ എന്നിവർ നേതൃത്വം നൽകി.