ബംഗളുരു: കനത്ത മഴയില് മുങ്ങി ബംഗളുരു നഗരം. മഴയെ തുടര്ന്ന് പ്രധാന റോഡുകള് ഉള്പ്പെടെ എല്ലാം വെള്ളത്തിനടയിലായി. കനത്ത മഴയും ഇടിമിന്നലും തുടരുകയാണ്. പലയിടത്തും മരച്ചില്ലകള് ഒടിഞ്ഞു വീണു ഗതാഗത തടസമുണ്ടായി. ബംഗളുരു നഗരത്തിലെ അടിപ്പാതയില് വെള്ളത്തില് കാര് മുങ്ങി ഒരു യാത്രക്കാരി മരിച്ചു. ആന്ധ്രപ്രദേശ് സ്വദേശിയായ ഇന്ഫോസിസ് ജീവനക്കാരി ഭാനു രേഖ (22) ആണ് മരിച്ചത്.
കര്ണാടക നിയമസഭയുടെ തൊട്ടടുത്തുള്ള കെ ആര് സര്ക്കിളിലെ അടിപ്പാതയിലാണു ഭാനു സഞ്ചരിച്ച കാറ് മുങ്ങിപ്പോയത്. മരിച്ച യുവതിയുടെ കുടുംബാംഗങ്ങളെ കാണാന് കര്ണാടക മുഖ്യമന്ത്രി സിദ്ധരാമയ്യ ആശുപത്രിയിലെത്തി. ഭാനുരേഖയുടെ കുടുംബത്തിന് അഞ്ച് ലക്ഷം രൂപയും മറ്റ് കുടുംബാംഗങ്ങള്ക്ക് സൗജന്യ ചികിത്സയും മുഖ്യമന്ത്രി പ്രഖ്യാപിച്ചു.
