അഴീക്കല്‍ : കനത്തമഴയും കാറ്റും ബോട്ടുകള്‍ ഒഴുകിപ്പോയി. അഴീക്കലിലെ സ്വകാര്യ ബോട്ട് അറ്റകുറ്റപ്പണി യാര്‍ഡില്‍നിന്ന് അഞ്ചു മീന്‍പിടുത്ത ബോട്ടുകള്‍ ഒഴുകിപ്പോയി. ശനിയാഴ്ച രാത്രി 11.30 ഓടെയായിരുന്നു സംഭവം.
ഏച്ചൂരിലെ സന്തോഷ്, അഴീക്കലിലെ ലതീഷ് എന്നിവര്‍ പങ്കാളികളായ ചന്ദനശ്രീ, കണ്ണൂര്‍ അണ്ടത്തോട് ഇ.പി. റസാക്കിെന്‍റ ഉടമസ്ഥതയിലുള്ള റഫാദ്, ഫാത്തിമ, റസീല്‍, മറ്റൊരാളുടെ ദീര്‍ഘദൂര കുളച്ചല്‍ വലിയ േബാട്ടായ സ്റ്റാര്‍ ഓഫ് ഗോഡ് എന്നിവയാണ് ഒഴുകിയത്. ഇതില്‍ സ്റ്റാര്‍ ഓഫ് ഗോഡില്‍ തൊഴിലാളികള്‍ ഉണ്ടായിരുന്നതിനാല്‍ ബോട്ട് ഒഴുകുന്നത് കണ്ട് ഉടന്‍ കരയിലേക്കടുപ്പിച്ചു.
ചന്ദനശ്രീ ബോട്ട് കടലില്‍ ഒലിച്ചുപോയി. കണ്ടെത്താന്‍ മൈറന്‍ എന്‍ഫോഴ്സ്മെന്‍റും കോസ്റ്റ് ഗാര്‍ഡും അവരുടെ ബോട്ടില്‍ തിരച്ചില്‍ നടത്തിവരുകയാണ്. റഫാദ്, ഫാത്തിമ ബോട്ടുകള്‍ മണിക്കൂറുകളോളം നീണ്ട തിരച്ചിലിനൊടുവില്‍ ഞായറാഴ്ച പുലര്‍ച്ച അഞ്ചോടെ തകര്‍ന്ന നിലയില്‍ കണ്ടെത്തി കരക്കെത്തിച്ചു. റസാക്കിെന്‍റ ‘റസീല്‍’ ബോട്ട് അഴിമുഖത്തിനടുത്ത് പാറക്കെട്ടില്‍ കുടുങ്ങിയനിലയിലാണ്. വല, മറ്റു പകരണങ്ങളടക്കം ലക്ഷങ്ങളുടെ നഷ്ടമാണ് സംഭവിച്ചിട്ടുള്ളത്.
