ആലപ്പുഴ : ഞായറാഴ്ച രാത്രിയിലും തിങ്കളാഴ്ച പുലർച്ചെയും സംസ്ഥാനത്തെ മിക്ക ജില്ലകളിലും ശക്തമായ മഴ ലഭിച്ചു. ജില്ലയിലെ എടത്വയിലെ മുട്ടാർ പഞ്ചായത്ത് ശക്തമായ മഴയിലും വെള്ളക്കെട്ടിനെയും തുടർന്ന് ഒറ്റപ്പെട്ടു. ഇവിടെ എല്ലാ റോഡുകളും വെള്ളത്തിലായി. ഒറ്റപ്പെട്ട ജനങ്ങളെ എത്രയും വേഗം സുരക്ഷിത കേന്ദ്രങ്ങളിൽ എത്തിക്കാൻ നടപടി വേണമെന്ന് ആവശ്യമുയരുകയാണ്.
സംസ്ഥാനത്ത് ശക്തമായ മഴ തുടരുകയും കാലാവസ്ഥാ മുന്നറിയിപ്പ് കടുപ്പിക്കുകയും ചെയ്ത സാഹചര്യത്തിൽ ആലപ്പുഴ ജില്ലയിലെ എല്ലാ വിദ്യാഭ്യാസ സ്ഥാപനങ്ങൾക്കും ഇന്ന് ജില്ലാ കലക്ടർ അവധി പ്രഖ്യാപിച്ചു. പ്രഫഷണൽ കോളജുകൾ ഉൾപ്പെടെയുള്ള എല്ലാ വിദ്യാഭ്യാസ സ്ഥാപനങ്ങൾക്കും ഉത്തരവ് ബാധകമാണ്. ആലപ്പുഴയിലെ രണ്ട് താലൂക്കുകൾക്ക് മാത്രമായിരുന്നു നേരത്തെ അവധി പ്രഖ്യാപിച്ചിരുന്നത്. എന്നാൽ മഴ ശക്തമാകുകയും പ്രതികൂല കാലാവസ്ഥ തുടരുകയും ചെയ്തതിനെ തുടർന്ന് ഇന്ന് പുലർച്ചെ 6 മണിയോടെയാണ് ജില്ല മുഴുവൻ ഉൾപ്പെടുത്തി പുതിയ ഉത്തരവിറക്കിയത്.
പത്തനംതിട്ട മീഡിയ ആപ്പ് പ്ലേ സ്റ്റോറില് ലഭിക്കും
വരിസംഖ്യയും പരിമിതികളുമില്ലാത്ത വാർത്തകളുടെ ലോകത്തേക്ക് വായനക്കാര്ക്ക് സ്വാഗതം. ചുരുങ്ങിയകാലംകൊണ്ട് ഓണ്ലൈന് മാധ്യമരംഗത്ത് ശ്രദ്ധേയമായ പത്തനംതിട്ട മീഡിയയുടെ മൊബൈല് ആപ്പ് (Android) പ്ലേ സ്റ്റോറില് ലഭ്യമാണ്, തികച്ചും സൌജന്യമായി ഇത് ഡൌണ് ലോഡ് ചെയ്യാം. https://play.google.com/store/apps/details?id=com.pathanamthitta.media&pcampaignid=pcampaignidMKT-Other-global-all-co-prtnr-py-PartBadge-Mar2515-1
