കോഴിക്കോട് : കനത്ത മഴയെ തുടര്ന്നുള്ള കാറ്റില് മരം കടപുഴകി വീണ് വീടിന്റെ മേല്ക്കൂര തകര്ന്നു. കോഴിക്കോട് കാരശ്ശേരി പഞ്ചായത്തിലെ കാരമൂല കല്പ്പൂര് പുല്ല തോട്ടിക സുലൈഖയുടെ വീടിന്റെ മേല്ക്കൂരയാണ് തകര്ന്നത്.അപകട സമയത്ത് വീടിനുള്ളില് കുട്ടികള് ഉള്പ്പെടെ ഉണ്ടായിരുന്നെങ്കിലും ആര്ക്കും പരിക്കില്ല. ഉച്ചക്ക് രണ്ടര മണിയോടെയുള്ള ശക്തമായ കാറ്റിലാണ് സംഭവം. സംസ്ഥാനത്ത് വ്യാപക മഴ തുടരുന്നു. 9 ജില്ലകളില് യെല്ലോ അലര്ട്ട് പ്രഖ്യാപിച്ചു. തിരുവനന്തപുരം, കൊല്ലം, പത്തനംതിട്ട, ആലപ്പുഴ, ഇടുക്കി, മലപ്പുറം, കോഴിക്കോട്, കണ്ണൂര്, കാസര്കോട് എന്നീ ജില്ലകളിലാണ് ഇന്ന് യെല്ലോ അലര്ട്ട് പ്രഖ്യാപിച്ചിരിക്കുന്നത്. പതിനഞ്ച് ദിവസമായി തുടരുന്ന മഴ നാളെ മുതല് കുറയുമെന്നാണ് കാലാവസ്ഥ പ്രവചനം.
