വര്ക്കല: അകത്തുമുറിയില് യുവതിയെയും കൂടെയുണ്ടായിരുന്ന ആളെയും ആക്രമിച്ച കേസിലെ മൂന്നാമനും അറസ്റ്റിലായി. ചെറുന്നിയൂര് വെന്നിക്കോട് പാളയംകുന്ന് നന്ദനംവീട്ടില് താമസിക്കുന്ന അജയന് (38) ആണ് കഴിഞ്ഞ ദിവസം അറസ്റ്റിലായത്. കേസിലെ രണ്ടും മൂന്നും പ്രതികളായ ചെറുന്നിയൂര് സ്വദേശി വിജയന് (36), മേല്വെട്ടൂര് സ്വദേശി ഷിബി (52) എന്നിവരെ നേരത്തെ അറസ്റ്റ് ചെയ്തിരുന്നു. ഇക്കഴിഞ്ഞ ഒന്നിന് വൈകീട്ടാണ് യുവതിക്ക് നേരേ മൂവര്സംഘം അതിക്രമം നടത്തിയത്. വര്ക്കല ഡിവൈ.എസ്.പി പി. നിയാസിന്റെ നേതൃത്വത്തില് ഇന്സ്പെക്ടര് എസ്. സനോജ്, എസ്.ഐ രാഹുല്, പോലീസുകാരായ ഉണ്ണിരാജ്, വിനോദ്, ഫാറൂഖ് എന്നിവര് ചേര്ന്നാണ് പ്രതികളെയെല്ലാം പിടികൂടിയത്. പ്രതികള് മൂന്നുപേരും റിമാന്ഡിലാണ്.
