കോന്നി : കനത്ത മഴയെ തുടര്ന്ന് കോന്നി താലൂക്ക് ആശുപത്രിക്ക് മുന്നിലേക്ക് കല്ലും മണ്ണും ചെളിയും ഒഴുകിയെത്തി. കഴിഞ്ഞ രാത്രിയിലാണ് സംഭവം. നിരവധി വാഹനങ്ങളും അപകടത്തില്പ്പെട്ടു. താലൂക്ക് ആശുപത്രിയുടെ സമീപത്ത് ഉണ്ടായിരുന്ന സ്ഥാപനങ്ങളുടെ മുന്നിലേക്കും മണ്ണും ചെളിയും ഒഴുകിയെത്തിയിരുന്നു. കോന്നി – ചന്ദനപ്പള്ളി റോഡില് താലൂക്ക് ആശുപത്രിയുടെ മുന്നിലായി ഇന്റര്ലോക്ക് കട്ടകള് പാകിയ ഭാഗത്താണ് ചെളിയും കല്ലും മണ്ണും അടിഞ്ഞുകൂടിയത്. തുടര്ന്ന് കോന്നി ഫയര്ഫോഴ്സ് സ്ഥലത്തെത്തി മണ്ണും ചെളിയും നിറഞ്ഞ സ്ഥലം കഴുകി വൃത്തിയാക്കുകയായിരുന്നു. സ്ഥാപനത്തിലെ ജീവനക്കാരും നാട്ടുകാരും ഫയര്ഫോഴ്സിനെ രക്ഷാ പ്രവര്ത്തനത്തില് സഹായിച്ചു.
കോന്നി താലൂക്ക് ആശുപത്രി സ്ഥിതി ചെയ്യുന്ന പ്രദേശത്തെ ഉരുള്പൊട്ടല് ഭീഷണി നിലനില്ക്കുന്ന കുന്നുകളില് നിന്നും കഴിഞ്ഞ കുറച്ചു കാലങ്ങളായി അനധികൃത മണ്ണെടുപ്പ് വ്യാപകമാണെന്നും ഇത്തരത്തില് മണ്ണെടുത്ത പ്രദേശത്ത് നിന്നുമാണ് മണ്ണും ചെളിയും ഒഴുകി എത്തിയതെന്നും നാട്ടുകാര് ആരോപിച്ചു. അനധികൃത മണ്ണെടുപ്പിന് എതിരെ യാതൊരു നടപടിയും ബന്ധപ്പെട്ടവര് സ്വീകരിക്കുന്നില്ലെന്നും പരാതിയുണ്ട്.
