കൊച്ചി : കടവന്ത്രയില് പ്രതികൾ ചാടിപ്പോയ സംഭവത്തിൽ പോലീസുകാർക്കെതിരെ നടപടി. മജിസ്ട്രേറ്റിന് മുന്നിൽ ഹാജരാക്കാൻ കൊണ്ടുപോകുന്നതിനിടെയാണ് പോലീസിന്റെ കസ്റ്റഡിയിൽ നിന്നും പ്രതികൾ ചാടിപ്പോയത്. പ്രതികൾക്ക് മൂത്രമൊഴിക്കാനായി കൈവിലങ്ങ് അഴിച്ചുമാറ്റിയ സമയത്താണ് പോലീസിനെ വെട്ടിച്ച് കടന്നുകളഞ്ഞത്. ഏപ്രിൽ 26 വൈകിട്ട് 5.45-ന് പറവൂർ സ്വകാര്യ ബസ് സ്റ്റാൻഡിന് പിന്നിലുള്ള റോഡിൽ നിന്നാണ് പോലീസിനെ വെട്ടിച്ച് പ്രതികൾ കടന്നത്. സംഭവത്തിൽ ഗുരുതര സുരക്ഷാവീഴ്ച ഉണ്ടായതായി കണ്ടെത്തി.
സംഭവ സമയത്ത് ഉണ്ടായിരുന്ന മൂന്ന് പോലീസ് ഉദ്യോഗസ്ഥർക്കെതിരെ നടപടി സ്വീകരിച്ചു. കോടതിയിൽ ഹാജരാക്കാൻ കൊണ്ടുപോകുന്നതിനിടെ പ്രതികൾ രക്ഷപെട്ടത് പോലീസിന് വലിയ നാണക്കേടുണ്ടാക്കിയിട്ടുണ്ട്. പ്രതികൾക്കായി പോലീസ് തിരച്ചിൽ ഊർജ്ജിതമാക്കിയിരിക്കുകയാണ്. എറണാകുളം കടവന്ത്ര പോലീസ് സ്റ്റേഷനിലെ ഉദ്യോഗസ്ഥർക്കെതിരെയാണ് നടപടി. എ എസ് ഐ ഉൾപ്പെടെ മൂന്ന് പോലീസുകാരെ എ ആർ ക്യാമ്പിലേക്ക് മാറ്റി.
