പത്തനംതിട്ട : കോന്നി മെഡിക്കല് കോളജിന്റെ അക്കാദമിക് ബ്ലോക്ക് ഉദ്ഘാടനത്തോടനുബന്ധിച്ച് വിവ കേരളം ( വിളര്ച്ചയില് നിന്നും വളര്ച്ചയിലേക്ക്) കാമ്പയിന്റെ ഭാഗമായി നടന്ന ഹീമോഗ്ലോബിന് പരിശോധന ജനപങ്കാളിത്തം കൊണ്ട് ശ്രദ്ധേയമായി. മുഖ്യമന്ത്രി പിണറായി വിജയന് ഉദ്ഘാടനം ചെയ്ത അക്കാദമിക് ബ്ലോക്ക് സമര്പ്പണ ചടങ്ങില് പങ്കെടുക്കാന് അമ്മമാരും കുട്ടികളും ഉള്പ്പെടെ സമൂഹത്തിന്റെ നാനാ തുറകളിലുള്ള നിരവധി പേരാണ് എത്തിയത്.
ഉദ്ഘാടന ചടങ്ങില് പങ്കെടുക്കാന് എത്തിയ സ്ത്രീകളും കുട്ടികളും ഉള്പ്പെടെയുള്ള നിരവധി പേര് വിവാ കേരളം കാമ്പയിന്റെ ഭാഗമായി നടത്തിയ ഹീമോഗ്ലോബിന് പരിശോധനയ്ക്ക് വിധേയരായി. കോന്നി മെഡിക്കല് കോളജിലെ കാഷ്വാലിറ്റിക്ക് മുന്വശത്ത് തയാറാക്കിയ സ്റ്റാളിലാണ് ജില്ലാ മെഡിക്കല് ഓഫീസ് (ആരോഗ്യം), ആരോഗ്യ കേരളം പത്തനംതിട്ട എന്നിവയുടെ സംയുക്ത ആഭിമുഖ്യത്തില് സ്ക്രീനിങ് ക്യാമ്പ് സംഘടിപ്പിച്ചത്.
15 മുതല് 59 വയസുവരെയുള്ള പെണ്കുട്ടികളിലും സ്ത്രീകളിലും അനീമിയ കണ്ടെത്തുകയും ആവശ്യമായവര്ക്ക് ചികിത്സ ഉറപ്പാക്കുകയും ചെയ്യുക എന്നതാണ് വിവ കേരളത്തിന്റെ ലക്ഷ്യം. രക്തത്തിലെ ഹീമോഗ്ലോബിന്റെ അളവാണ് പരിശോധിക്കുന്നത്. സാധാരണയായി 12 മുതല് 15 ഗ്രാം വരെ ഹീമോഗ്ലോബിനാണ് സ്ത്രീകളുടെ രക്തത്തില് കാണുക. കുട്ടികളില് 11 മുതല് 16 ഗ്രാം വരെയും ഗര്ഭിണികളില് കുറഞ്ഞത് 11 ഗ്രാം വരെയെങ്കിലും ഹീമോഗ്ലോബിന് ഉണ്ടായിരിക്കണം. ഈ അളവുകളില് കുറവാണ് ഹീമോഗ്ലോബിനെങ്കില് അനീമിയ ആയി കണക്കാക്കാം. ആഹാര ക്രമീകരണത്തിലൂടെയും ചികിത്സയിലൂടെയും അനീമിയയില് നിന്നും മുക്തിനേടാം.
പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം
മലയാളത്തിലെ പ്രമുഖ ന്യൂസ് പോര്ട്ടലുകളില് ഒന്നായ പത്തനംതിട്ട മീഡിയയില് പ്രസിദ്ധീകരിക്കുവാനുള്ള വാര്ത്തകള് ആര്ക്കും എവിടെനിന്നും നല്കാം. ഗൂഗിള് മലയാളത്തില് ടൈപ്പ് ചെയ്ത വാര്ത്തയോടൊപ്പം ഉചിതമായ ചിത്രവും നല്കേണ്ടതാണ്. വാര്ത്തയുടെ ആധികാരികതക്ക് ആവശ്യമായ രേഖകളും ഇതോടൊപ്പം നല്കണം. പത്രത്തില് പ്രസിദ്ധീകരിച്ചതും കാലഹരണപ്പെട്ടതുമായ വാര്ത്തകള് പ്രസിദ്ധീകരിക്കുന്നതല്ല. വാര്ത്തകള് പ്രസിദ്ധീകരിക്കുന്നതിനോ തിരസ്കരിക്കുന്നതിനോ ഉള്ള അവകാശം എഡിറ്റോറിയല് ബോര്ഡില് നിക്ഷിപ്തമായിരിക്കും. രഹസ്യ സ്വഭാവമുള്ള വാര്ത്തകളും വിവരങ്ങളും ചീഫ് എഡിറ്റര്ക്ക് കൈമാറാം. ഇന്ഫോര്മറെക്കുറിച്ചുള്ള വിവരങ്ങള് അതീവ രഹസ്യമായി സൂക്ഷിക്കുന്നതാണ്.
———————–
വാര്ത്തകള് നല്കുവാന് വാട്സാപ്പ് 751045 3033/ 94473 66263 mail – [email protected]
———————–
ന്യുസ് പോര്ട്ടലില് പരസ്യം നല്കുവാന് 702555 3033/ 0468 295 3033 / mail – [email protected]
———————-
ചീഫ് എഡിറ്റര് – 94473 66263, 85471 98263, 0468 2333033
