വെച്ചൂച്ചിറ : വിശുദ്ധ കുർബ്ബാനകളും ആരാധനകളും ജീവിതത്തോട് ചേർന്നു നിൽക്കുന്നതും അപരൻ്റെ ആവശ്യങ്ങളെ പരിഗണിക്കുന്നതും ആകണമെന്ന് തുമ്പമൺ ഭദ്രാസന മുൻ മെത്രാപ്പോലീത്ത അഭിവന്ദ്യ കുര്യാക്കോസ് മാർ ക്ലിമ്മിസ് വലിയ മെത്രാപ്പോലീത്ത പറഞ്ഞു. കേരളാ കൗൺസിൽ ഓഫ് ചർച്ചസ് മേഖലാ കമ്മറ്റിയുടെ വനിതാ കമ്മീഷനും സീനിയർ സിറ്റിസൺ ഫോറവും സംഘടിപ്പിച്ച കാരുണ്യസ്പർശം- 2025 ഉദ്ഘാടനം ചെയ്തു കൊണ്ട് സംസാരിക്കുകയായിരുന്നു അദ്ദേഹം. അശരണരേയും ആരോരുമില്ലാത്തവരേയും ചേർത്തു നിർത്തുന്ന സന്ദേശമാണ് ക്രിസ്തു നൽകിയത്. അത് തുടരാൻ ക്രൈസ്തവരെ ക്രിസ്തു നിർബ്ബന്ധിക്കുന്നു. പരുവ മേഴ്സി ഓൾഡ് ഏജ് ഹോമിൽ നടന്ന ചടങ്ങിൽ റവ: സജു ചാക്കോ അദ്ധ്യക്ഷത വഹിച്ചു.
സെക്രട്ടറി ജോൺ സാമുവേൽ, കൺവീനർ വത്സമ്മ ജോൺ, റവ: ജീവൻ മാത്യു സാജൻ, റവ: സോജി വർഗീസ് ജോൺ, വത്സമ്മ മാത്യു, സിസ്റ്റർ തബീദ, ജോൺ വി തോമസ്, പി.ടി മാത്യു പാറക്കൽ, ഫിലിപ്പ് തോമസ്, ഏബ്രഹാം വർഗ്ഗീസ്, മോളി അലക്സ് എന്നിവർ പ്രസംഗിച്ചു. അന്തേവാസികൾക്ക് ദീപാവലി സമ്മാനമായി പുതിയ വസ്ത്രങ്ങൾ അടങ്ങിയ കിറ്റ് സെക്രട്ടറി ജോൺ സാമുവേലും ആവശ്യമായ മരുന്നുകൾക്കുള്ള ധനസഹായം ട്രഷറാർ ജോൺ വി തോമസും ഭക്ഷണപ്പൊതികൾ കൺവീനർ വത്സമ്മ ജോണും ചടങ്ങിൽ വെച്ച് ഡയറക്ടർ സിസ്റ്റർ തബീദക്ക് കൈമാറി.
