പെരുനാട് :ചരിത്രാന്വേഷണം തുടരുന്നതിനും കലാസാംസ്കാരിക പ്രവർത്തനങ്ങൾ ഏകോപിപ്പിക്കുന്നതിനും ആയി രൂപീകരിച്ച കൾച്ചറൽ ഫോറത്തിന്റെ ഉദ്ഘാടനവും
പെരുനാടിന്റെ ചരിത്രം എന്ന ഗ്രന്ഥവും പ്രകാശനം ചെയ്തു. ഗ്രന്ഥരചനയ്ക്കു വേണ്ടി നടത്തിയ ജനകീയവും ശാസ്ത്രീയമായ അന്വേഷണത്തിൽ ആദിവാസി സമൂഹങ്ങളുടെ അതിപുരാതനമായ കൽക്കോട്ടകളും (കൽവലയങ്ങൾ ) മഹാശില സംസ്കാരത്തിൻ്റെ അവശിഷ്ടങ്ങളായ പെട്ടി കല്ലറകളും (ഡോമൻ) പെരുനാട് ഉൾപ്പെടുന്ന ശബരിമല കാടുകളിൽ കണ്ടെത്തി. കൂടാതെ തമിഴ്നാട്ടിൽ നിന്നും മധുരയിൽ നിന്നും കക്കാട്ട് തീരത്തുള്ള പെരുനാട് വരെ നീണ്ടുകിടന്ന ഒരു ട്രേഡ് റൂട്ടും, ഇടത്താവളങ്ങളും തിരിച്ചറിയാൻ കഴിഞ്ഞു.
ചരിത്രാന്വേഷണം തുടരുന്നതിനും കലാസാംസ്കാരിക പ്രവർത്തനങ്ങൾ ഏകോപിപ്പിക്കുന്നതിനും ആയി രൂപീകരിച്ച കൾച്ചറൽ ഫോറത്തിന്റെ ഉദ്ഘാടനം ഡോ.തോമസ്സ് ഐസക് നിർവഹിച്ചു. പഞ്ചായത്ത് പ്രസിഡൻറ് ഗിരിജ മധു അദ്ധ്യക്ഷത വഹിച്ചു. പായിപ്പാട് ബി.എഡ് കോളേജ് പ്രിൻസിപ്പൽ ഡോ. രാജീവ്.പുലിയൂർ ഗ്രന്ഥ പരിചയം നടത്തി. കൾച്ചറൽ ഫോറം കൺവീനർ പി.എസ് മോഹനൻ, ഗ്രാമ പഞ്ചായത്ത് പ്രസിഡന്റ് ടി.ആര്
രാജം, നീന സുരേഷ്, പി.എൻ.വി ധരൻ, ഡോ. എൻ. വി ബോസ്, വി.ജി ഭാസി,സി.സുരേഷ്, വി. ആർ സുലോചനൻ എന്നിവര് പ്രസംഗിച്ചു. റാന്നി പെരുനാട് ഗ്രാമപഞ്ചായത്തിൽ 2025- 26 വാർഷിക പദ്ധതിയുടെ ഭാഗമായി തയ്യാറാക്കിയ പെരുനാടിൻറെചരിത്രം രചിച്ചത് വി. ആർ സുലോചനനാണ് ജനകീയമായി വിവരശേഖരണം നടത്തിയത് ഡോ.എൻ. വി ബോസിൻ്റെ ചുമതലയിലാണ്.
