ചെങ്ങന്നൂര് : പുലിയൂര് ജ്ഞാനപ്രദായിനി ഗ്രന്ഥശാല ബാലവേദിയുടെ ആഭിമുഖ്യത്തില് അവധിക്കാല ക്യാംപ് – മഞ്ചാടിക്കൂട്ടം – സംഘടിപ്പിച്ചു. ശാസ്ത്രസാഹിത്യ വിജ്ഞാനങ്ങള് വിനോദത്തിലൂടെ കുട്ടികളിലേയ്ക്ക് പകര്ന്നപ്പോള് വിരസതയുടെ കിളികൂട് വിട്ട് സന്തോഷത്തിന്റെ തിരുമുറ്റത്തേയ്ക്ക് കുട്ടികള് പറന്ന് ഇറങ്ങിവന്നു. ഗ്രാമപഞ്ചായത്ത് പ്രസിഡന്റ് എം.ജി ശ്രീകുമാര് ഉദ്ഘാടനം ചെയ്തു. ഗ്രന്ഥശാല പ്രസിഡന്റ് കെ.ജി രാമകൃഷ്ണന് അദ്ധ്യക്ഷത വഹിച്ചു. പഞ്ചായത്ത് അംഗങ്ങളായ ലേഖ അജിത്, മഞ്ജു യോഹന്നാന്, ലൈബ്രറി കൗണ്സില് താലൂക്ക് പ്രസിഡന്റ് എല്.പി സത്യപ്രകാശ്, സെക്രട്ടറി ബി.ഷാജ്ലാല്, ഗ്രന്ഥശാല സെക്രട്ടറി അഡ്വ.ഡി നാഗേഷ് കുമാര്, ഗ്രന്ഥശാല ഭരണസമിതിയംഗങ്ങളായ ജി.മനു പുലിയൂര്, സനില് പി ഗോപാല്, കെ.വിജേഷ്, സി.കെ ഉത്തമന് എന്നിവര് പ്രസംഗിച്ചു. ബിജു മാവേലിക്കര ക്യാംപിന് നേതൃത്വം നല്കി.
ബാലവേദി അവധിക്കാല ക്യാംപ് – മഞ്ചാടിക്കൂട്ടം – നടത്തി
RECENT NEWS
Advertisment