ചെങ്ങന്നൂര് : മകന് ജോലി ചെയ്തതിന്റെ കൂലി ചോദിച്ചതിന് വീടിനു തീവെച്ച കേസില് പ്രതിക്ക് ഏഴുവര്ഷം തടവ്. വെണ്മണി കോടുകുളഞ്ഞി പൂമൂട്ടില് കിഴക്കേതില് സന്തോഷി (50)നെയാണ് ചെങ്ങന്നൂര് അസിസ്റ്റന്റ് സെഷന്സ് കോടതി ജഡ്ജ് ആര്. സുരേഷ്കുമാര് ഏഴുവര്ഷം തടവും 50,000 രൂപ പിഴയും വിധിച്ചത്. 2019- ജനുവരിയിലാണ് കേസിനാസ്പദമായ സംഭവം നടന്നത്. വെണ്മണി കോടുകുളഞ്ഞി കൃഷ്ണാലയം വീട്ടില് മധു(50)വിന്റെ മകന് അനൂപിനെ പ്രതി ഒന്നര മാസത്തോളം തിരുവനന്തപുരത്ത് ജോലിക്ക് കൊണ്ടുപോയിരുന്നു.
മകന് ജോലിചെയ്ത ശമ്പളം കൊടുക്കാതിരുന്നതിനെത്തുടര്ന്ന് കൂലി അച്ഛനായ മധു പ്രതി സന്തോഷിനോടു പല പ്രാവശ്യം ചോദിച്ചിരുന്നു. ഇതിന്റെ വിരോധം തീര്ക്കുന്നതിനായി ജനുവരി 13-നു വൈകുന്നേരം നാലോടെ പ്രതി മധുവിന്റെ വസ്തുവില് അതിക്രമിച്ചുകയറി വീടിനു സമീപം വെച്ചിരുന്ന അനൂപിന്റെ മോട്ടോര് സൈക്കിള് കൈതൂമ്പ കൊണ്ട് അടിച്ചുപൊട്ടിച്ചു. തുടര്ന്ന് ടാങ്കില്നിന്നും പെട്രോള് എടുത്ത് മധുവിന്റെ വീടിനു മുകളില് ഒഴിച്ച് തീവെക്കുകയായിരുന്നു.തടയാന്
